Qaraqalpaqstan turǵyny, 44 jastaǵy Azat Jumanııazov Qazaqstanǵa jumys isteýge ketken, biraq qańtar oqıǵasynan keıin týystary onymen baılanysa almaı jatyr, dep habarlaıdy “Adyrna” ulttyq portaly Almaty telearnasyna siltep.
«Azattyń áıeli kúnde jylaıdy. Qońyraý shalyp, izdeý nátıjeleri týraly suraıdy. Onyń bes jasar qyzy da únemi «ákem qaıda?» dep suraýda. Ol alańǵa shyqqan joq dep oılaımyn. Óıtkeni 5 qańtarda onyń telefony Dolan aýylynyń mańynda óship qalǵan. Almatyda mıtıng ótti. Ol sonda bara ala ma? Meniń oıymsha, olaı emes», – deıdi joǵalǵan azamattyń aǵasy Nurlan Ótenııazov.
Azattyń týystary onyń tiri ekenine úmitti. Sebebi, er adamnyń denesi eshbir máıithanadan tabylmady. Eriktiler erikti izdeýge kirisken, biraq bul nátıje bermegen. Azat Jumanııazovtardyń otbasy polıııaǵa kómek surap júgingen.
«Bul derek Alataý aýdanynyń IIB-na tirkeldi. Izdestirý isi bastaldy, arnaıy tergeý-jedel toby quryldy, onyń áreketi iz-túzsiz joǵalǵan adamdy izdestirý jáne onyń turǵan jerin anyqtaýǵa baǵyttalǵan», - dedi Almaty qalalyq IID resmı ókili Saltanat Ázirbek.
Polıeıler Jumanııazovtyń qaıda ekeni týraly aqparat biletin kez kelgen adamdy 102 nómirine habarlasýǵa shaqyrdy.
“Adyrna” ulttyq portaly
