Bır jyl būryn elde Alaşty ǧana emes, älemdı dürlıktırgen "Qaŋtar oqiǧasy" boldy. Qazaq halqynyŋ qazynasyn ekı asap, bır jeuge dänıkkenderge qarsy halyq jappai köterıldı. Eldegı gaz baǧasynyŋ qymbattanuy, äleumettık qaişylyqtar, ömır sapasynyŋ naşarlauy, klanaralyq tartystar syndy belgıler halyqtyŋ soqtasyn suytyp, jalpy jūrtty aşyndyrdy. "Adyrna" ūlttyq portaly bolǧan oqiǧaǧa qatysty saraptamaşy jurnalist, belgısı qoǧam belsendısı Asylhan Mamanūlynyŋ taldauyn ūsynady.
Jurnalist Asylhan Mamaşūly "Qaŋtar oqiǧasynyŋ" tarihi maŋyzy men saiasi salmaǧyna üŋıle kele töendegıdei qorytyndyǧa kelgen.
- Joldastar, qaŋtar köterılısı nätijesız aiaqtaldy demeŋızder, osy köterılıs älı de ondaǧan jylǧa jalǧasuy mümkın Nazarbaev jüiesıne däu nükte qoidy. Nūrpartiiasy men basqa nökerlerı qala ma, joq pa bärıbır, endı saiasi ritorika basqa bolady. Bız Nazarbaev däuırınen keiıngı kezeŋge köştık. Ekı prezidenttıŋ el bilıgın oiynşyqqa ainaldyrǧany, bilık tranzitın jasaǧansyp, spektakl qoiǧany – jüzdegen şaŋyraqtyŋ tragediiasymen aiaqtaldy. Tragediia sūrausyz ketpeidı.Qazaqstanda qos bilık baryn, de fakto Nazarbaev yqpaly basym bolǧanyn būlar qaŋtar köterılısınen keiın ǧana moiyndady. Qaŋtar köterılısı Nazarbaevtyŋ otyz jyl boiy qulyq-sūmdyqpen jinaǧan super prezidenttık bilıgın Toqaevqa bır künde äperdı. Sol üşın ol raqmet aituy kerek edı. Toqaev nūrpartiia siezınde Nazarbaev eŋbegıne joǧary baǧa berdı, jetıstıkterın köbırek aitaiyq dedı. Osy sözımen Nazarbaevty tarihqa jıberdı jäne baǧa beru kezeŋıne jol aşty.
Asylhan Mamaşūlynyŋ bırqatar boljamdarynyŋ şyndyqqa ūlasqanyna köz jetkızu qiyn emes. Avtor "Astana" atauynyŋ qaita oralatynyn da aitqan edı. 2022 jyly 17 qyrküiekte prezident Qasym-Jomart Toqaev jarlyǧymen Astana atauy qaitaryldy. Eldegı saiasi oqiǧanyŋ aldaǧy uaqytta qandai baǧytta örbeitındıgıne qatysty:
- Mūnan bylai saiasi qyzmetkerler de Nazarbaevtyŋ eŋbegı men qatelıgın qatar aitatyn bolady. Bıraq ol ūzaqqa sozylmaidy. Qaisysy basym ekenı mälım. Nūr–Sūltan qalasy, jüzdegen Nazarbaev eskertkışı men köşelerı tūrǧanda Toqaev aita bastaǧan "tübegeilı saiasi özgerıs" bolmaidy. Demek, Astana atauy qaitar kün alys emes. Ony Toqaev özgerte me, Boqaev özgerte me, köp qalǧan joq.Keşegı jiynda Toqaevtyŋ "Ötkendı joqqa şyǧaratyn, el basşylaryna şabuyl jasaityn halyqtyŋ bolaşaǧy būlyŋǧyr" degen sözın köŋılge almaŋyzdar. "Bırer jyldan soŋ men de ketem, tiıspeŋderşı" degenı. Bıraq qazaq halqynyŋ eşkımge garantiia bermeitını, retı kelgende äreketıne qarai baǧalaityny tüsınıktı boldy emes pe? - dep jazdy jurnalist.
"Adyrna" ūlttyq portaly
