رەسەي پرەزيدەنتى ۆلاديمير پۋتين سسسر-ءدى ناتسيستىك گەرمانياعا جاريا تۇردە تەڭەستىرگەندەردى اكىمشىلىك كودەكسپەن جازالايتىن زاڭعا قول قويدى. اتالعان زاڭ " سوۆەت حالقىنىڭ ناتسيستىك گەرمانيانى تالقانداپ، ەۋروپانى ازات ەتۋگە ۇلەس قوسقانىن" تەرىستەگەندەردى دە جاۋاپقا تارتۋى مۇمكىن. بۇل تۋرالى "ازاتتىق راديوسى" حابارلادى، دەپ جازادى "ادىرنا" ۇلتتىق پورتالى.
اكىمشىلىك كودەكسكە ەنەتىن جاڭا باپ بويىنشا، مۇنداي كۇدىككە ىلىنگەن جەكە تۇلعالارعا 2 مىڭ رۋبلگە دەيىن ايىپپۇل سالىنۋى نەمەسە 15 كۇن قاماۋعا جىبەرىلۋى مۇمكىن. ال زاڭدى تۇلعالار 50 مىڭ رۋبلگە دەيىن ايىپپۇل تولەيدى.
مەملەكەتتىك دۋما 6 ساۋىردە قابىلداعان زاڭ جوباسىندا سسسر باسشىلىعى مەن قولباسشىلارىنىڭ ارەكەتىن ناتسيستىك گەرمانيا باسشىلىعىنىڭ ارەكەتىنە ۇقساتۋ تەڭەستىرۋمەن پارا-پار ەكەنى جازىلعان.
"ادىرنا" ۇلتتىق پورتالى
