Reseı prezıdenti Vladımır Pýtın SSSR-di naıstik Germanııaǵa jarııa túrde teńestirgenderdi ákimshilik kodekspen jazalaıtyn zańǵa qol qoıdy. Atalǵan zań " sovet halqynyń naıstik Germanııany talqandap, Eýropany azat etýge úles qosqanyn" teristegenderdi de jaýapqa tartýy múmkin. Bul týraly "Azattyq radıosy" habarlady, dep jazady "Adyrna" ulttyq portaly.
Ákimshilik kodekske enetin jańa bap boıynsha, mundaı kúdikke ilingen jeke tulǵalarǵa 2 myń rýblge deıin aıyppul salynýy nemese 15 kún qamaýǵa jiberilýi múmkin. Al zańdy tulǵalar 50 myń rýblge deıin aıyppul tóleıdi.
Memlekettik dýma 6 sáýirde qabyldaǵan zań jobasynda SSSR basshylyǵy men qolbasshylarynyń áreketin naıstik Germanııa basshylyǵynyń áreketine uqsatý teńestirýmen para-par ekeni jazylǵan.
"Adyrna" ulttyq portaly
