ءوڭىر الەۋەتىنىڭ وركەندەۋىنە ىقپال ەتەتىن سالانىڭ ءبىرى -تۋريزم. ىشكى ءتۋريزىمى قارىشتاپ دامىعان ەلدىڭ ەكونوميكالىق تۇرعىدان ەڭسەسى بيىك بولارى ءسوزسىز. كوركەم تابيعاتىمەن ەرەكشەلەنەتىن الماتى وبلىسىندا ءدال وسى باعىتتاعى جۇمىستاردىڭ العا باسۋىنا دەن قويىلعان. تاۋى مەن تاسى، سىڭعىرلاپ اققان بۇلاعى، سارقىراماسى، قۇمى مەن شولەيتى جەتىسۋدا ىشكى ءتۋريزمدى دامىتۋعا مۇمكىندىك بەرەرى انىق، بىراق، كەلۋشىگە ساپالى قىزمەت كورسەتەر ماماننىڭ ازدىعى اتالمىش سالادان كەلەر پايدانىڭ ارناسىن تارىلتىپ تۇرعانى جاسىرىن ەمەس. بۇل ماسەلەنى، الماتى وبلىسى تۋريزم باسقارماسىنىڭ باسشىسى جانار الچيمباەۆا «Jetisy Media» الاڭىندا ايتتى.
پاندەمياعا دەيىن الماتى وبلىسىنا 1.100 ملن. تۋريست ساياحاتتاپ كەلگەن، وتكەن جىلى بۇل كورسەتكىش 2 ملن. 200 ادامنان اسىپ جىعىلعان بولاتىن. اعىمداعى جىلى دا كەلۋشى ادامدار سانى كوبەيمەسە ازايماق ەمەس دەپ جوسپارلانىپ وتىر. وڭىرگە اعىلاتىن ساياحاتشىلاردىڭ سانىن ارتىرۋ ماقساتىندا ءبىرشاما ينۆەستيتسيالىق جوبالار ىسكە اسىرىلۋدا. وسىنىڭ اياسىندا بالقاش كولى جاعالاۋى، ۇلتتىق تابيعي پاركتەر اۋماعىنداعى نىساندارمەن قاتار، ايماقتاعى تاۋ كلاسستەرلەرىن دامىتۋ جولعا قويىلعان.
ءبىر عانا بالقاش كولىنىڭ جاعالاۋىنداعى سۋ جانە كارىز جۇيەسىن جاساپ شىعۋعا 5 ملرد. تەڭگە قارجى قاجەت ەكەنىن ەسكەرسەك، باستاپقى كەزەڭدە بۇل باعىتتاعى جۇمىستاردى جۇزەگە اسىرۋعا 40 ملرد.تەڭگەدەن استام قارجى كەرەك. باسقارما باسشىسنىڭ ايتۋىنشا، الداعى تاڭدا جوسپاردى ورىنداۋ ءۇشىن رەسپۋبليكالىق بيۋدجەتكە سۇرانىس جىبەرىلمەك.
كورسە كوز تاراتاتىن نىساندار كەلۋشىنىڭ كوڭىلىن اۋلارى انىق، الايدا كورسەتىلەتىن قىزمەت ساپاسى مەن بىلىكتى مامان بولماسا، تۋريستەردى ەلىتۋ وڭايعا تۇسپەسى انىق.
«وبلىستاعى ءتۋريزمنىڭ قىزمەت كورسەتۋ سالاسىندا ماماندار تاپشىلىعى قاتتى بايقالادى. بىزدە نۇسقاۋشىلار، ەكسكۋرسيا جۇرگىزۋشى، گيدتەرگە قوناق ءۇي جانە تاماقتانۋ سالاسىنداعى قىزمەتكەرلەرگە سۇرانىس كوپ»،-دەپ اتام ءوتتى الماتى وبلىسى تۋريزم باسقارماسىنىڭ باسشىسى جانار الچيمباەۆا.
وڭىردەگى وزەكتى ماسەلەنىڭ شەشىمىدە جوق ەمەس. ەلىمىزدە تۋريزم سالاسىندا ەڭبەك ەتەتىن كاسىبي ماماندى دايارلايتىن «حالىقارالىق تۋريزم جانە مەيماندوستىق ۋنيۆەرسيتەتى» ساپالى ءبىلىم الۋ جانە قىزمەت كورسەتۋ ءۇشىن جوو قابىرعاسىندا وقۋدى ۇسىنادى. ۋنيۆەرسيتەتتە پراكتيكالىق وقىتۋ 60% - عا باسىم، سونداي-اق وقۋ وزاتتارى شەتەلدە: يسپانيادا، شۆەيتساريادا، تۇركيادا، رەسەيدە، اۆستريادا جانە ت.ب. ەلدەردە تاعىلىمدامادان وتە الادى.
«ءبىزدىڭ نەگىزگى ماقساتىمىز - گرەكيا نەمەسە يسپانيا سياقتى ەكونوميكاعا قول جەتكىزۋ، وندا تۋريزم ءجىو - ءنىڭ 14% – ىن قۇرايدى»، - دەدى «حالىقارالىق تۋريزم جانە مەيماندوستىق ۋنيۆەرسيتەتى» كەاق باسقارما ءتورايىمى-رەكتورى ماينۇرا مىرزاماديەۆا.
ايتا كەتەيىك، بۇگىنگى كۇنى تۋريزم سالاسىندا ءبىلىم العىسى كەلەتىن جاستار ءۇشىن ارنايى 800 گرانت ءبولىنىپ وتىر. ولاردىڭ 75-ءى الماتى وبلىسىنا تيەسىلى
