Öŋır äleuetınıŋ örkendeuıne yqpal etetın salanyŋ bırı -turizm. Işkı turizımı qaryştap damyǧan eldıŋ ekonomikalyq tūrǧydan eŋsesı biık bolary sözsız. Körkem tabiǧatymen erekşelenetın Almaty oblysynda däl osy baǧyttaǧy jūmystardyŋ alǧa basuyna den qoiylǧan. Tauy men tasy, syŋǧyrlap aqqan būlaǧy, sarqyramasy, qūmy men şöleitı Jetısuda ışkı turizmdı damytuǧa mümkındık bererı anyq, bıraq, keluşıge sapaly qyzmet körseter mamannyŋ azdyǧy atalmyş saladan keler paidanyŋ arnasyn taryltyp tūrǧany jasyryn emes. Būl mäselenı, Almaty oblysy turizm basqarmasynyŋ basşysy Janar Alchimbaeva «Jetisy Media» alaŋynda aitty.
Pandemiiaǧa deiın Almaty oblysyna 1.100 mln. turist saiahattap kelgen, ötken jyly būl körsetkış 2 mln. 200 adamnan asyp jyǧylǧan bolatyn. Aǧymdaǧy jyly da keluşı adamdar sany köbeimese azaimaq emes dep josparlanyp otyr. Öŋırge aǧylatyn saiahatşylardyŋ sanyn artyru maqsatynda bırşama investisiialyq jobalar ıske asyryluda. Osynyŋ aiasynda Balqaş kölı jaǧalauy, Ūlttyq tabiǧi parkter aumaǧyndaǧy nysandarmen qatar, aimaqtaǧy tau klassterlerın damytu jolǧa qoiylǧan.
Bır ǧana Balqaş kölınıŋ jaǧalauyndaǧy su jäne kärız jüiesın jasap şyǧuǧa 5 mlrd. teŋge qarjy qajet ekenın eskersek, bastapqy kezeŋde būl baǧyttaǧy jūmystardy jüzege asyruǧa 40 mlrd.teŋgeden astam qarjy kerek. Basqarma basşysnyŋ aituynşa, aldaǧy taŋda jospardy oryndau üşın respublikalyq biudjetke sūranys jıberılmek.
Körse köz taratatyn nysandar keluşınıŋ köŋılın aulary anyq, alaida körsetıletın qyzmet sapasy men bılıktı maman bolmasa, turisterdı elıtu oŋaiǧa tüspesı anyq.
«Oblystaǧy turizmnıŋ qyzmet körsetu salasynda mamandar tapşylyǧy qatty baiqalady. Bızde nūsqauşylar, ekskursiia jürgızuşı, gidterge qonaq üi jäne tamaqtanu salasyndaǧy qyzmetkerlerge sūranys köp»,-dep atam öttı Almaty oblysy turizm basqarmasynyŋ basşysy Janar Alchimbaeva.Öŋırdegı özektı mäselenıŋ şeşımıde joq emes. Elımızde turizm salasynda eŋbek etetın käsıbi mamandy daiarlaityn «Halyqaralyq Turizm jäne meimandostyq universitetı» sapaly bılım alu jäne qyzmet körsetu üşın JOO qabyrǧasynda oqudy ūsynady. Universitette praktikalyq oqytu 60% - ǧa basym, sondai-aq oqu ozattary şetelde: İspaniiada, Şveisariiada, Türkiiada, Reseide, Avstriiada jäne t.b. elderde taǧylymdamadan öte alady.
«Bızdıŋ negızgı maqsatymyz - Grekiia nemese İspaniia siiaqty ekonomikaǧa qol jetkızu, onda turizm JIÖ - nıŋ 14% – yn qūraidy», - dedı «Halyqaralyq turizm jäne meimandostyq universitetı» KEAQ Basqarma Töraiymy-rektory Mainūra Myrzamadieva. Aita keteiık, bügıngı künı turizm salasynda bılım alǧysy keletın jastar üşın arnaiy 800 grant bölınıp otyr. Olardyŋ 75-ı Almaty oblysyna tiesılı
