قاسىم-جومارت توقاەۆتىڭ تۋىسى تەمىرتاي ءىزباستين كونستيتۋتسياعا تۇزەتۋلەر ەنگىزىلگەننەن كەيىن قازاقستاننىڭ بولگارياداعى توتەنشە جانە وكىلەتتى ەلشىسى قىزمەتىنەن بوساتىلادى. بۇل تۋرالى "ادىرنا" ۇلتتىق پورتالى sputnik.kz-كە سىلتەمە جاساپ حابارلايدى.
جاڭا تۇزەتۋلەرگە سايكەس قازاقستان پرەزيدەنتىنىڭ جاقىن تۋىستارى مەملەكەتتىك قىزمەتتە باسشىلىق قىزمەتكە ورنالاسا المايدى، ولارعا ديپلوماتتار دا جاتادى.
"جالپى، كونستيتۋتسيادا پرەزيدەنتتىڭ جاقىن تۋىستارىنىڭ ساياسي لاۋازىمدارعا ورنالاسۋىنا تىيىم سالىنادى. ءتىزىم وتە كەڭ، وعان بەلگىلى ءبىر دارەجەدەگى ديپلوماتيالىق قىزمەتكەرلەر كىرەدى", - دەدى ادىلەت ءمينيسترى قانات مۋسين بريفينگتە.
"بۇل جاعدايدا توقاەۆتىڭ تۋىسى، قازاقستاننىڭ بولگارياداعى ەلشىسى قىزمەتىنەن الىپ تاستالا ما" - دەپ سۇرادى جۋرناليستەر.
"وسىنداي تىيىم سالىنعاننان كەيىن، ارينە، بارلىعى زاڭناماعا سايكەس كەلتىرىلەدى. "الىپ تاستاۋ" دەگەن ءسوز بىزگە كەڭەستىك داۋىردەن قالعان تەرمين بولسا كەرەك. ول قىزمەتىن بوساتادى، سەبەبى زاڭ بويىنشا بۇل قىزمەتتى اتقارا المايدى", - دەپ جاۋاپ بەردى مۋسين.
ايتا كەتەيىك، تەمىرتاي ءىزباستين توقاەۆتىڭ قارىنداسى قارلىعا ىزباستيناعا (توقاەۆا) ۇيلەنگەن.
"ادىرنا" ۇلتتىق پورتالى
