Qasym-Jomart Toqaevtyŋ tuysy Temırtai Izbastin Konstitusiiaǧa tüzetuler engızılgennen keiın Qazaqstannyŋ Bolgariiadaǧy Tötenşe jäne Ökılettı Elşısı qyzmetınen bosatylady. Būl turaly "Adyrna" ūlttyq portaly sputnik.kz-ke sılteme jasap habarlaidy.
Jaŋa tüzetulerge säikes Qazaqstan Prezidentınıŋ jaqyn tuystary memlekettık qyzmette basşylyq qyzmetke ornalasa almaidy, olarǧa diplomattar da jatady.
"Jalpy, Konstitusiiada prezidenttıŋ jaqyn tuystarynyŋ saiasi lauazymdarǧa ornalasuyna tyiym salynady. Tızım öte keŋ, oǧan belgılı bır därejedegı diplomatiialyq qyzmetkerler kıredı", - dedı Ädılet ministrı Qanat Musin brifingte.
"Būl jaǧdaida Toqaevtyŋ tuysy, Qazaqstannyŋ Bolgariiadaǧy elşısı qyzmetınen alyp tastala ma" - dep sūrady jurnalister.
"Osyndai tyiym salynǧannan keiın, ärine, barlyǧy zaŋnamaǧa säikes keltırıledı. "Alyp tastau" degen söz bızge keŋestık däuırden qalǧan termin bolsa kerek. Ol qyzmetın bosatady, sebebı zaŋ boiynşa būl qyzmettı atqara almaidy", - dep jauap berdı Musin.Aita keteiık, Temırtai Izbastin Toqaevtyŋ qaryndasy Qarlyǧa Izbastinaǧa (Toqaeva) üilengen.
"Adyrna" ūlttyq portaly
