Qasym-Jomart Toqaevtyń týysy Temirtaı Izbastın Konstıtýııaǵa túzetýler engizilgennen keıin Qazaqstannyń Bolgarııadaǵy Tótenshe jáne Ókiletti Elshisi qyzmetinen bosatylady. Bul týraly "Adyrna" ulttyq portaly sputnik.kz-ke silteme jasap habarlaıdy.
Jańa túzetýlerge sáıkes Qazaqstan Prezıdentiniń jaqyn týystary memlekettik qyzmette basshylyq qyzmetke ornalasa almaıdy, olarǵa dıplomattar da jatady.
"Jalpy, Konstıtýııada prezıdenttiń jaqyn týystarynyń saıası laýazymdarǵa ornalasýyna tyıym salynady. Tizim óte keń, oǵan belgili bir dárejedegi dıplomatııalyq qyzmetkerler kiredi", - dedi Ádilet mınıstri Qanat Mýsın brıfıngte.
"Bul jaǵdaıda Toqaevtyń týysy, Qazaqstannyń Bolgarııadaǵy elshisi qyzmetinen alyp tastala ma" - dep surady jýrnalıster.
"Osyndaı tyıym salynǵannan keıin, árıne, barlyǵy zańnamaǵa sáıkes keltiriledi. "Alyp tastaý" degen sóz bizge keńestik dáýirden qalǵan termın bolsa kerek. Ol qyzmetin bosatady, sebebi zań boıynsha bul qyzmetti atqara almaıdy", - dep jaýap berdi Mýsın.
Aıta keteıik, Temirtaı Izbastın Toqaevtyń qaryndasy Qarlyǵa Izbastınaǵa (Toqaeva) úılengen.
"Adyrna" ulttyq portaly
