قر ادىلەت ءمينيسترى قانات مۋسين: "بۇدان بىلاي پرەزيدەنتتىڭ جاقىن تۋىستارى باسشى بولا المايدى" دەپ مالىمدەمە جاساپ، ءتيىستى زاڭ قابىلداپ جاتقاندا، 15 ساۋىردەن باستاپ "قازترانسويل" ديرەكتورلار كەڭەسىنىڭ باسقارما مۇشەسى بولىپ ءماجىلىس توراعاسى ەرلان قوشانوۆتىڭ اعاسى عازيز قوشانوۆ سايلانعانى بەلگىلى بولدى، دەپ جازادى "ادىرنا" ۇلتتىق پورتالى.
وسىلايشا ەرلان قوشانوۆتىڭ اعاسى 11 ساۋىردەن باستاپ "قازترانسويل" كومپانياسىندا الەۋمەتتىك-ەڭبەك قاتىناستارى جانە جالپى ماسەلەلەر جونىندەگى باسقارۋشى ديرەكتورى قىزمەتىنە كىرىستى.
ەكس-پرەزيدەنت نۇرسۇلتان نازارباەۆتىڭ نەمەرە ءىنىسى قايرات ساتىبالدى بولسا، 2022 جىلدىڭ جازىنىڭ سوڭىندا بوستاندىققا شىعۋدى كوزدەپ وتىر.
قازتاگ اقپارات اگەنتتىگى حابارلاعانداي، قايرات ساتىبالدى بوستاندىققا شىعۋ ءۇشىن ودان مەملەكەت تالاپ ەتىپ وتىرعان دۇنيە-مۇلىكتى تۇگەلدەي تاپسىرىپ، قاجەتتى سومانى تولەۋگە ءازىر وتىر. بۇل سومالار مەملەكەتپەن كەلىسىلگەن بولسا، وندا ول بارلىق اقشانى، ايىپپۇلدى تۇگەل تولەپ، شىلدە-قىركۇيەك ايلارىندا بوستاندىققا شىعۋعا ارەكەت جاساۋدا.
"ادىرنا" ۇلتتىق پورتالى
