QR Ádilet mınıstri Qanat Mýsın: "Budan bylaı Prezıdenttiń jaqyn týystary basshy bola almaıdy" dep málimdeme jasap, tıisti zań qabyldap jatqanda, 15 sáýirden bastap "QazTransOıl" Dırektorlar keńesiniń Basqarma múshesi bolyp Májilis tóraǵasy Erlan Qoshanovtyń aǵasy Ǵazız Qoshanov saılanǵany belgili boldy, dep jazady "Adyrna" ulttyq portaly.
Osylaısha Erlan Qoshanovtyń aǵasy 11 sáýirden bastap "QazTransOıl" kompanııasynda áleýmettik-eńbek qatynastary jáne jalpy máseleler jónindegi Basqarýshy dırektory qyzmetine kiristi.
Eks-prezıdent Nursultan Nazarbaevtyń nemere inisi Qaırat Satybaldy bolsa, 2022 jyldyń jazynyń sońynda bostandyqqa shyǵýdy kózdep otyr.
QazTAG aqparat agenttigi habarlaǵandaı, Qaırat Satybaldy bostandyqqa shyǵý úshin odan memleket talap etip otyrǵan dúnıe-múlikti túgeldeı tapsyryp, qajetti somany tóleýge ázir otyr. Bul somalar memleketpen kelisilgen bolsa, onda ol barlyq aqshany, aıyppuldy túgel tólep, shilde-qyrkúıek aılarynda bostandyqqa shyǵýǵa áreket jasaýda.
"Adyrna" ulttyq portaly
