مەملەكەت باسشىسى ارحەولوگ عالىم ۆيكتور زايبەرتتىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى، دەپ حابارلايدى اقوردانىڭ ءباسپاسوز قىزمەتى.
پرەزيدەنت كورنەكتى ارحەولوگ عالىم، تاريح عىلىمدارىنىڭ دوكتورى ۆيكتور زايبەرتتىڭ قايتىس بولۋىنا بايلانىستى كوڭىل ايتتى.
«ۆيكتور فەدوروۆيچ بۇكىل سانالى عۇمىرىن ارحەولوگيالىق جانە قازبا جۇمىستارىنا، دالا وركەنيەتىن زەرتتەۋگە ارنادى. اتباسار جانە بوتاي مادەنيەتتەرىنىڭ باي مۇراسى تۋرالى بىرەگەي جاڭالىقتاردىڭ ءمانى مەن ماڭىزى، قازىرگى قازاقستان اۋماعىندا جىلقىنى قولعا ۇيرەتۋ جانە ءوسىرۋ جونىندەگى قۇندى دەرەكتەر ارحەولوگ عالىمنىڭ اتىمەن تىكەلەي بايلانىستى. ۆ.زايبەرت ارتىنا قۇندى عىلىمي مۇرالارىن قالدىردى. ول ارىپتەستەرىنىڭ اراسىندا زور بەدەلگە يە بولدى. سونداي-اق جاس عالىمدارعا ۇلگى-ونەگە كورسەتتى»، – دەلىنگەن جەدەلحاتتا.
”ادىرنا” ۇلتتىق پورتالى
