Memleket basshysy arheolog ǵalym Vıktor Zaıberttiń jaqyndary men týystaryna kóńil aıtý jedelhatyn joldady, dep habarlaıdy Aqordanyń baspasóz qyzmeti.
Prezıdent kórnekti arheolog ǵalym, tarıh ǵylymdarynyń doktory Vıktor Zaıberttiń qaıtys bolýyna baılanysty kóńil aıtty.
«Vıktor Fedorovıch búkil sanaly ǵumyryn arheologııalyq jáne qazba jumystaryna, dala órkenıetin zertteýge arnady. Atbasar jáne Botaı mádenıetteriniń baı murasy týraly biregeı jańalyqtardyń máni men mańyzy, qazirgi Qazaqstan aýmaǵynda jylqyny qolǵa úıretý jáne ósirý jónindegi qundy derekter arheolog ǵalymnyń atymen tikeleı baılanysty. V.Zaıbert artyna qundy ǵylymı muralaryn qaldyrdy. Ol áriptesteriniń arasynda zor bedelge ıe boldy. Sondaı-aq jas ǵalymdarǵa úlgi-ónege kórsetti», – delingen jedelhatta.
”Adyrna” ulttyq portaly
