وسكەمەندە كونياك پەن اراقتى قولدان جاساعاندار ۇستالدى، - دەپ حابارلايدى “ادىرنا” ۇلتتىق پورتالى قر قارجى مينيسترلىگى مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
الكوگول ونىمدەرى مەن ءسپيرتتىڭ زاڭسىز اينالىمى ەل ەكونوميكاسىنا ايتارلىقتاي زيان كەلتىرەدى جانە حالىقتىڭ دەنساۋلىعى مەن ومىرىنە قاۋىپ توندىرەدى", - دەپ ءتۇسىندىردى ۆەدومستۆو.
"2022 جىلدىڭ 20 ساۋىرىندە شقو مەملەكەتتىك كىرىستەر دەپارتامەنتىنىڭ قىزمەتكەرلەرى ەكونوميكالىق تەرگەۋ دەپارتامەنتىنىڭ قىزمەتكەرلەرىمەن بىرگە وسكەمەن اۋداندارىنىڭ بىرىندە الكوگول ءونىمىن زاڭسىز، انتيسانيتاريالىق جاعدايدا ءوندىرۋ دەرەگىن انىقتادى", - دەلىنگەن حابارلامادا.تەكسەرۋ بارىسىندا ماماندار 2145 بوتەلكە "تۇركىستان" كونياگىن، 12 945 دانا كونياك ونىمدەرىن، 620 بوتەلكە "وشا" اراعىن، 4 مىڭ بوس بوتەلكە، 15 مىڭ اراق قالپاقشاسىن، قاقپاقتاردى جاپسىرۋعا ارنالعان ەكى قۇرىلعىنى جانە 500 ليتردەن استام سپيرت بار پلاستيكالىق ىدىستى انىقتادى.
"فاكت قىلمىستىق كودەكستىڭ 233-بابى "اكتسيزدەلەتiن تاۋارلاردى سايكەستەندىرۋ قۇرالدارىمەن جانە (نەمەسە) ەسەپكە الۋ-باقىلاۋ ماركالارىمەن تاڭبالاۋدىڭ ءتارتiبi مەن قاعيدالارىن بۇزۋ، سايكەستەندىرۋ قۇرالدارىن جانە (نەمەسە) ەسەپكە الۋ-باقىلاۋ ماركالارىن قولدان جاساۋ جانە پايدالانۋ" بويىنشا تىركەلدى. سونداي-اق اقبتك-ءنىڭ 463-بابى "كاسىپكەرلىك نەمەسە وزگە دە قىزمەتپەن اينالىسۋ، سونداي-اق ءتيىستى تىركەۋسىز، رۇقساتسىز نەمەسە حابارلاما جىبەرمەي ءىس-ارەكەتتەردى جۇزەگە اسىرۋ" بويىنشا اكىمشىلىك ءىس جۇرگىزۋدى باستادى.
“ادىرنا” ۇلتتىق پورتالى
