Öskemende koniak pen araqty qoldan jasaǧandar ūstaldy, - dep habarlaidy “Adyrna” ūlttyq portaly QR Qarjy ministrlıgı Memlekettık kırıster komitetınıŋ baspasöz qyzmetıne sılteme jasap.
Alkogol önımderı men spirttıŋ zaŋsyz ainalymy el ekonomikasyna aitarlyqtai ziian keltıredı jäne halyqtyŋ densaulyǧy men ömırıne qauıp töndıredı", - dep tüsındırdı vedomstvo.
"2022 jyldyŋ 20 säuırınde ŞQO Memlekettık kırıster departamentınıŋ qyzmetkerlerı Ekonomikalyq tergeu departamentınıŋ qyzmetkerlerımen bırge Öskemen audandarynyŋ bırınde alkogol önımın zaŋsyz, antisanitariialyq jaǧdaida öndıru deregın anyqtady", - delıngen habarlamada.Tekseru barysynda mamandar 2145 bötelke "Türkıstan" koniagyn, 12 945 dana koniak önımderın, 620 bötelke "OŞA" araǧyn, 4 myŋ bos bötelke, 15 myŋ araq qalpaqşasyn, qaqpaqtardy japsyruǧa arnalǧan ekı qūrylǧyny jäne 500 litrden astam spirt bar plastikalyq ydysty anyqtady.
"Fakt Qylmystyq kodekstıŋ 233-baby "Aksizdeletin tauarlardy säikestendıru qūraldarymen jäne (nemese) esepke alu-baqylau markalarymen taŋbalaudyŋ tärtibi men qaǧidalaryn būzu, säikestendıru qūraldaryn jäne (nemese) esepke alu-baqylau markalaryn qoldan jasau jäne paidalanu" boiynşa tırkeldı. Sondai-aq ÄQBtK-nıŋ 463-baby "käsıpkerlık nemese özge de qyzmetpen ainalysu, sondai-aq tiıstı tırkeusız, rūqsatsyz nemese habarlama jıbermei ıs-äreketterdı jüzege asyru" boiynşa äkımşılık ıs jürgızudı bastady.
“Adyrna” ūlttyq portaly
