شىمكەنت قالاسى تۋريزم جانە سىرتقى بايلانىستار باسقارماسىنىڭ «Visit Shymkent» تۋريستىك اقپاراتتىق ورتالىعى جىل باسىنان بەرى ءتۋريزمنىڭ سالالىق باعىتتارى اياسىندا جالپى سانى 12 ەكسكۋرسيا ۇيىمداستىردى. اتاپ ايتساق، وندىرىستىك، تانىمدىق-ىسكەرلىك، ساكرالدى ورىندار مەن بالالار ءتۋريزمى باعىتتارى بويىنشا 1018 ادام ەكسكۋرسياعا قاتىسقان. «2022 جىل - بالالار جىلى» بولىپ بەكىتىلۋىنە بايلانىستى، ەكسكۋرسيالاردىڭ باسىم بولىگى جاسوسپىرىمدەرگە ارنالدى.
جاستاردىڭ شىمكەنت قالاسىنداعى تۋريستىك نىساندار جانە كورىكتى ورىندارمەن تانىسۋى – تۋعان ولكە تاريحى تۋرالى وي-تانىمدارىن ارتتىرۋعا ىقپالى مول. ناقتىلاي وتسەك، شىمكەنتكە سپورتتىق سايىستار مەن عىلىمي جوبالار بايقاۋىنا جينالعان شاكىرتتەرگە مەگاپوليستىڭ تۋريستىك نىساندارى، ياعني، شىمكەنت زووباعى، دەندرولوگيالىق ساياباق، “شىم قالا” تاريحي-مادەني ورتالىعى جانە ەتنواۋىل سىندى ورىندارى ەرەكشە اسەر قالدىرۋدا. سونداي-اق، ورتالىق الەۋمەتتىك تۋريزم باعىتى بويىنشا كوپبالالى وتباسىلاردان شىققان بۇلدىرشىندەرگە ەرەكشە باسىمدىق بەرە وتىرىپ، ولاردى قالا تاريحىمەن تانىستىرۋ جانە دەمەۋشىلەر ەسەبىنەن كومەك كورسەتۋ شارالارىن وتكىزۋدى قولعا العان.
تۋريستىك-اقپاراتتىق ورتالىق كەلۋشىلەر سانىن ارتتىرۋ جانە شاھاردىڭ تۋريستىك الەۋەتىن ىلگەرىلەتۋ باعىتىندا «ءبىر تەرەزە» قاعيداسى بويىنشا اقپاراتتىق-كونسۋلتاتيۆتىك كومەك كورسەتەدى. سونىمەن قاتار، قالامىزدىڭ كەز-كەلگەن قوناعىنا شاھار اۋماعىندا ساپالى ءارى اقىسىز قىزمەت كورسەتەتىن كاسىبي گيد-ەكسكۋرسوۆود قىزمەتىن ۇسىنادى. ياعني، ورتالىق تاراپىنان قالا تاريحىمەن جانە مادەني-ساكرالدى ورىندارىمەن تانىسامىن دەگەن كەز-كەلگەن كەلۋشىلەر مەن تۋريستەرگە “Visit Shymkent” ازىرلەگەن تۋرمارشرۋتتار ارقىلى تەگىن ەكسكۋرسيا جۇرگىزەدى. سايكەسىنشە، گيد-ەكسكۋرسوۆودتار سۇرانىس بويىنشا بىرنەشە تىلدە اقپارات بەرىپ، قالا تاريحىمەن تانىستىرادى.