«قورعاۋ سەرگەك» باعدارلاماسىنىڭ كومەگىمەن جالعان ءنومىرلى كولىكتەردى انىقتاۋ مۇمكىن بولدى، دەپ حابارلايدى الماتى قالاسى پد الەۋمەتتىك جەلىدەگى رەسمي پاراقشاسى.
«وتكەن تاۋلىكتە عانا قالا جولدارىنداعى «قورعاۋ سەرگەك» كەشەنى جالعان ءنومىر پايدالانعان 11 جۇرگىزۋشىنى انىقتادى. وتكەن تاۋلىكتە ولار جالپى سوماسى 12 ميلليون 680 تەڭگەنى قۇرايتىن 790 قۇقىق بۇزۋشىلىق جاساعان. بۇل كولىكتەر ۇستالىپ، ارنايى ايىپپۇل تۇراعىنا ورنالاستىرىلدى»، – دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.
«قورعاۋ سەرگەك» جۇيەسى پيلوتتىق رەجيمدە 2021 جىلدىڭ قاراشاسىنان باستاپ پايدالانىلىپ كەلە جاتىر.
«سونىمەن قاتار، كەيىنگى تاۋلىكتە ارنايى جارىق-دىبىس جانە داۋىس زورايتقىش سيگنالداردى زاڭسىز پايدالاناتىن ەكى اۆتوماشينانىڭ جۇرگىزۋشىلەرى ۇستالدى. بۇعان قوسا، كولىك باسقارماسىنان 7 ماس جۇرگىزۋشى شەتتەتىلدى»، – دەپ تۇيىندەدى پولكوۆنيك ساتتاروۆ.
”ادىرنا” ۇلتتىق پورتالى
