«Qorǧau Sergek» baǧdarlamasynyŋ kömegımen jalǧan nömırlı kölıkterdı anyqtau mümkın boldy, dep habarlaidy Almaty qalasy PD äleumettık jelıdegı resmi paraqşasy.
«Ötken täulıkte ǧana qala joldaryndaǧy «Qorǧau Sergek» keşenı jalǧan nömır paidalanǧan 11 jürgızuşını anyqtady. Ötken täulıkte olar jalpy somasy 12 million 680 teŋgenı qūraityn 790 qūqyq būzuşylyq jasaǧan. Būl kölıkter ūstalyp, arnaiy aiyppūl tūraǧyna ornalastyryldy», – dedı Almaty qalalyq PD jergılıktı polisiia qyzmetı Basqarmasynyŋ bastyǧy Manap Sattarov.«Qorǧau Sergek» jüiesı pilottyq rejimde 2021 jyldyŋ qaraşasynan bastap paidalanylyp kele jatyr.
«Sonymen qatar, keiıngı täulıkte arnaiy jaryq-dybys jäne dauys zoraitqyş signaldardy zaŋsyz paidalanatyn ekı avtomaşinanyŋ jürgızuşılerı ūstaldy. Būǧan qosa, kölık basqarmasynan 7 mas jürgızuşı şettetıldı», – dep tüiındedı polkovnik Sattarov.
”Adyrna” ūlttyq portaly
