اقتاۋدا ءىرى كولەمدە كونتراباندالىق تاۋارلار تاركىلەندى. بەلگىلى بولعانداي، يران يسلام رەسپۋبليكاسىنان جەتكىزىلگەن يمپورت بۇيىمدارعا جالعان قۇجات جاسالعان، دەپ حابارلايدى «ادىرنا» ۇلتتىق پورتالى «حابار 24» ارناسىنا سىلتەپ.
ولاردىڭ نارىقتاعى قۇنى 66 ملن 400 مىڭ تەڭگەگە باعالانىپ وتىر. «اقتاۋ كەدەندىك راسىمدەۋ ورتالىعى» بەكەتىندە دەكلاراتسيالانعان تاۋار بەلگىسى قاپشىقتاردا كەلگەن تاۋارمەن سايكەس كەلمەگەنى انىقتالدى.
وسىلايشا كەدەنشىلەردى الداماق بولعانداردىڭ جولى كەسىلدى. مەملەكەتكە كەلگەن شىعىن 21 ملن تەڭگەگە جۋىقتايدى. وسى دەرەك بويىنشا جيناقتالعان مالىمەتتەر وبلىستىق ەكونوميكالىق تەرگەۋ دەپارتامەنىنە جولداندى.
“ادىرنا” ۇلتتىق پورتالى
