نۇر-سۇلتان قالاسىندا تۇرعىن ءۇي قۇرىلىسىنىڭ جۇمىسىنا حالىق قارسى شىعۋدا، دەپ حابارلايدى "ادىرنا" ءتىلشىسى. كوپشىلىكتىڭ ايتۋىنشا قۇرىلىس كومپانياسى ەرەجەلەردى بۇزىپ، حالىق كوپ جۇرەتىن ايماقتاردا كرانمەن اۋىر زاتتاردى كوتەرىپ وتەتىن كورىنەدى. ءتىپتى، ءسويتىپ ءجۇرىپ اۋىر قۇرىلىس ماتەريالى توبەدەن قۇلاپ كەتىپ، جۇمىس جۇرگىزىلىپ جاتقان تەرريتوريانىڭ دۋالىن قيراتىپ تۇسكەن.
"ادىرنا" رەداكتسياسىنا كەلىپ تۇسكەن حابارلامادا ايتىلعانداي، ۇلى دالا-قابانباي باتىر كوشەلەرنىڭ قيىلىسىندا "بازيس" جشس جۇرگىزىپ جاتقان جاڭا "زاڭعار" تۇرعىن ءۇيىنىڭ قۇرىلىس جۇمىستارى بىرنەشە مارتە زاڭسىز ارەكەتتەر جاساپ، ەرەجەنى ەلەمەي، تۇرعىنداردىڭ ومىرىنە قاۋىپتى جاعدايدا جۇمىس جۇرگىزۋدە.
"ەرەجە بويىنشا، قۇرىلىس جۇمىستارى ادامدار جۇرەتىن ايماقتار 50 م اراقاشىقتىقتا بولۋى ءتيىس. ال بۇلاردىكىن قاراڭىز. جانىندا №85 مەكتەپ ورنالاسقان. كۇن سايىن قانشا بالا مىنا جولمەن ءجۇرىپ وتەدى. ءبىر كۇنى الگى اۋىر دۇنيەلەرى قۇلاپ كەتىپ، بالالارىمىز جازىم بولا ما دەپ قورقامىز. ءسويتىپ جۇرگەندە-اق، بىرەۋى قۇلاپ ۇلگەرىپتى. قۇداي ساقتاپ، دۋالدارىنىڭ ۇستىنە قۇلاپ، تەرريتوريالارىنىڭ شەكاراسىن قيراتىپ ءتۇسىپتى" دەيدى جابىرلەنۋشى تاراپ.
ودان بولەك جاريالانىمدارداعى ارىز-حاتتاردا مىناداي زاڭ بۇزۋشىلىقتاردىڭ ورىن العانى ايتىلدى:
1. قۇرىلىس اۋماعىنان تىس كراننىڭ اۋىر جۇكتەردى ادامداردىڭ ۇستىنەن الىپ ءجۇرۋى;
2. تۇندە دە جۇمىستار جۇرگىزىلۋدە;
3. ساۋلەت نورمالارىنا قاتىستى، قۇجاتتار نورمالارعا سايكەس كەلمەيدى;
4. سىزىقتىق قاشىقتىق 10 مەتردەن اسپايدى (زاڭعا سايكەس 40-50 م دەيىنگى قاشىقتىق بولۋى ءتيىس);
5. 28.04.2022 جىلى پوليتسيا شاقىرتىلىپ، كروكۋس تۇرعىن ءۇيىنىڭ 140-پاتەرىنە كران كىرىپ كەتكەنى تۋرالى مالىمدەمە جاسالعان بولاتىن.
“ادىرنا” ۇلتتىق پورتالى
