Nūr-Sūltan qalasynda tūrǧyn üi qūrylysynyŋ jūmysyna halyq qarsy şyǧuda, dep habarlaidy "Adyrna" tılşısı. Köpşılıktıŋ aituynşa qūrylys kompaniiasy erejelerdı būzyp, halyq köp jüretın aimaqtarda kranmen auyr zattardy köterıp ötetın körınedı. Tıptı, söitıp jürıp auyr qūrylys materialy töbeden qūlap ketıp, jūmys jürgızılıp jatqan territoriianyŋ dualyn qiratyp tüsken.
"Adyrna" redaksiiasyna kelıp tüsken habarlamada aitylǧandai, Ūly Dala-Qabanbai batyr köşelernıŋ qiylysynda "Bazis" JŞS jürgızıp jatqan jaŋa "Zaŋǧar" tūrǧyn üiınıŋ qūrylys jūmystary bırneşe märte zaŋsyz äreketter jasap, erejenı elemei, tūrǧyndardyŋ ömırıne qauıptı jaǧdaida jūmys jürgızude.
"Ereje boiynşa, qūrylys jūmystary adamdar jüretın aimaqtar 50 m araqaşyqtyqta boluy tiıs. Al būlardıkın qaraŋyz. Janynda №85 mektep ornalasqan. Kün saiyn qanşa bala myna jolmen jürıp ötedı. Bır künı älgı auyr dünielerı qūlap ketıp, balalarymyz jazym bola ma dep qorqamyz. Söitıp jürgende-aq, bıreuı qūlap ülgerıptı. Qūdai saqtap, dualdarynyŋ üstıne qūlap, territoriialarynyŋ şekarasyn qiratyp tüsıptı" deidı jäbırlenuşı tarap.Odan bölek jariialanymdardaǧy aryz-hattarda mynadai zaŋ būzuşylyqtardyŋ oryn alǧany aityldy: 1. Qūrylys aumaǧynan tys Krannyŋ auyr jükterdı adamdardyŋ üstınen alyp jüruı; 2. Tünde de jūmystar jürgızılude; 3. Säulet normalaryna qatysty, qūjattar normalarǧa säikes kelmeidı; 4. Syzyqtyq qaşyqtyq 10 metrden aspaidy (zaŋǧa säikes 40-50 m deiıngı qaşyqtyq boluy tiıs); 5. 28.04.2022 jyly polisiia şaqyrtylyp, Krokus tūrǧyn üiınıŋ 140-päterıne Kran kırıp ketkenı turaly mälımdeme jasalǧan bolatyn.
“Adyrna” ūlttyq portaly
