اقش-تىڭ رەسپۋبليكالىق كونگرەسسمەنى ادام كينزينگەر ەگەر رەسەي فەدەراتسياسى جاپپاي قىرىپ-جويۋ قارۋىن قولداناتىن بولسا، اقش اسكەري كۇشتەرىن ۋكراينانىڭ اۋماقتىق تۇتاستىعىن قورعاۋ ءۇشىن پايدالانۋعا رۇقسات بەرەتىن بىرلەسكەن قارار ۇسىناتىنىن حابارلادى، دەپ جازادى "ادىرنا" ۇلتتىق پورتالى.
"رەسەي فەدەراتسياسى حيميالىق، بيولوگيالىق جانە/نەمەسە يادرولىق قارۋدى قولدانعان جاعدايدا اكىمشىلىك ءتيىستى شارا قولدانۋ ماقساتىندا مەن وسى AUMF-ءتى (قارۋلى كۇشتەردى قولدانۋعا ارنالعان قارار-رەد.) قارارىن انىق قىزىل سىزىق رەتىندە ۇسىنامىن. ءبىز ادامزاتتى قورعاۋعا ءتيىسپىز، سونىمەن قاتار وداقتاستارىمىزبەن بىرگە بولۋىمىز كەرەك»", - دەدى رەسمي وكىل.
كينزينگەر اقش پرەزيدەنتى دجو بايدەننىڭ ءپۋتيندى توقتاتۋ قاجەتتىگىن بىرنەشە رەت اتاپ وتكەنىن ەسكە سالدى. وسى ورايدا ول مۇنداي مالىمدەمەلەردىڭ ماڭىزدى ەكەنىن، سونىمەن قاتار ءىس جۇزىندەگى قادامدار دا ماڭىزدى ەكەنىن قاداپ ايتتى.
دەمەك، الەمدەگى ەڭ ءىرى اسكەردىڭ باس قولباسشىسىنىڭ قاجەتتى ءىس-ارەكەتتەردى جۇزەگە اسىرۋ ءۇشىن وكىلەتتىگى مەن قۇرالدارى بولۋى كەرەك، دەپ اتاپ ءوتتى كونگرەسسمەن.
"ادىرنا" ۇلتتىق پورتالى
