وسكەمەندەگى مەكتەپتەردىڭ بىرىندە مۇعالىمدەرگە بەلگىلەنگەن جالاقىدان 50 پايىزعا تومەن جالاقى العان. كەيبىرىنە ءتىپتى 5 تەڭگە عانا اۋدارىلعان. بۇل تۋرالى "حابار 24" تەلەارناسى جاريالادى، دەپ حابارلايدى "ادىرنا" ۇلتتىق پورتالى.
تەلەارنانىڭ مالىمەتىنشە، ەسەپتى وقۋ ورنىنىڭ ەسەپشىسى جۇرگىزگەن. تەكسەرۋ بارىسىندا بۇرىن 20 ميلليون تەڭگەگە دەيىن ارتىق تولەم جاسالعاندىقتان، قىزمەتكەرلەردىڭ لاۋازىمدىق جالاقىلارىنان قوماقتى سوما ۇستالعانى بەلگىلى بولدى.
قالالىق ءبىلىم ءبولىمىنىڭ ەكونوميستەرى مۇعالىمدەر جالاقىسىنا ەگجەي-تەگجەيلى قايتا ەسەپتەۋلەر جۇرگىزىپ، جانجالدى سوتتىڭ ارالاسۋىنسىز شەشۋگە ۋادە بەرىپ وتىر.
"5 تەڭگە اۋدارعاندارىنا تاڭعالدىم. باسشىلىققا جۇگىندىم. ولار اۋدارماعانىن، ءبىر قاتەلىك بولعانىن ايتتى", - دەدى باستاۋىش سىنىپ مۇعالىمى ولگا شميدت.
ەڭبەك دەپارتامەنتى ماماندارىنىڭ ايتۋىنشا، بۇل بيۋدجەت قاراجاتى، كەز كەلگەن جاعدايدا ءوز ەركىمەن جالاقىسىنان ۇستاپ قالۋعا رۇقسات بەرۋى كەرەك.
"ارينە، بارلىق سومانى ۇستامايدى. 50 پايىزعا دەيىن ۇستاۋعا بولادى، بولماسا سوت ارقىلى شەشىلەدى", - دەدى وسكەمەن قالالىق ءبىلىم ءبولىمىنىڭ باسشىسى ساۋلە الاگۋزوۆا.
"ادىرنا" ۇلتتىق پورتالى
