ءماجىلىس دەپۋتاتى ءادىل جۇبانوۆ قر پرەمەر-ءمينيسترىنىڭ ورىنباسارى تامارا دۇيسەنوۆاعا ساۋال جولدادى. ماجىلىسمەن ەلىمىزدە ەڭ تومەنگى زەينەتاقىنى ەڭ تومەنگى جالاقىعا دەيىن ارتتىرىپ، جاڭا زەينەتاقى رەفورماسىن جۇرگىزۋدى ۇسىندى، - دەپ حابارلايدى "ادىرنا" ءتىلشىسى.
پارلامەنتاري بيىلعى جىلى ەڭ تومەنگى جالاقى 70 مىڭ تەڭگەگە دەيىن كوتەرىلسە، كەلەسى جىلى 85 مىڭ تەڭگەگە دەيىن كوتەرىلۋ جوسپارلانىپ وتىرعانىن ەسكە سالدى. ال، ونىڭ ايتۋىنشا، ەڭ تومەنگى زەينەتاقى مولشەرى ءالى كۇنگە دەيىن 57 مىڭ تەڭگەدەن ءسال اسار اسپاس شامادا.
«ەڭ تومەنگى جالاقى ءومىر ءسۇرۋ قۇنىن ەسكەرە وتىرىپ بەلگىلەنەدى، سوندىقتان ەڭ تومەنگى زەينەتاقىنى ەڭ تومەنگى جالاقىعا سايكەستەندىرۋ ۇكىمەتتىڭ الدىندا تۇرعان وزەكتى ماسەلەلەردىڭ بىرىنە اينالۋى ءتيىس دەپ ەسەپتەيمىن»، - دەدى جۇبانوۆ.
دەپۋتاتتىڭ ايتۋىنشا، كەيبىر ەلدەردە ادامنىڭ زەينەتاقىسى بەلگىلەنگەن ەڭ تومەنگى مولشەردەن تومەن بولسا، الەۋمەتتىك اۋدارىمداردى تولەۋ تاجىريبەسى بار.
«سوندىقتان مەن جاڭا زەينەتاقى رەفورماسىن جۇرگىزىپ، ەڭ تومەنگى زەينەتاقىنى ەڭ تومەنگى جالاقىعا سايكەستەندىرۋدى ۇسىنامىن»، - دەپ قوستى ول.
