«ەۆوليۋتسيانىڭ 15 جىلى: قۇبىلمالى دۇنيە جانە بىزگە وزگەرىس اكەلگەن الەم» دەگەن تاقىرىپتا ەۋرازيا مەديا فورۋمى باستالدى، دەپ حابارلايدى فورۋمنىڭ ءباسپاسوز ورتالىعى.
فورۋمنىڭ العاشقى كۇنى ساعات 9:00-19:00-گە دەيىن 7 اۆتورلىق شەبەرلىك دارىستەرى جوسپارلانۋدا.
شارانىڭ العاشقى شەبەرلىك ءدارىسىن «#Hashtag our stories» كومپانياسىنىڭ نەگىزىن قالاۋشى يۋسۋف ومار باستادى. ءدارىس تاقىرىبى: «ءموبيلدى جۋرناليستيكادان الەۋمەتتىك ۆيرتۋالدى شىندىققا دەيىن». ول جاڭا تەندەنتسيالار، توقسان توعىز تاراپتان شىنايى مالىمەتتى تەرىپ، ءاپ-ساتتە الەمنىڭ كەز-كەلگەن تۇكپىرىنەن اقپارات الۋ مەن تاراتۋ مۇمكىندىگى تۋرالى باياندادى.
يۋ.وماردىڭ شەبەرلىك دارىسىنە جينالعانداردىڭ دەنى كوپ بولدى. سونداي-اق، ول «زامانۋي مۋلتيمەديا» تۋرالى بىلگەنىمەن ءبولىسىپ، قاتىسۋشىلار سۇراقتارىنا جاۋاپ بەردى.
«جەتى ميلليارد ادام قازىرگى تاڭدا ءوز ۇيالى تەلەفوندارى ارقىلى جاڭالىقتار جارشىسى بولا الادى. اقپاراتتىق تەحنولوگيا دامىعان زاماندا ءداستۇرلى باق-تىڭ اتقارار ءرولى قانداي؟ مەنىڭ ويىمشا، ءداستۇرلى باق وكىلدەرى اناليتيكا مەن كونتەكستكە نەگىزدەلۋ كەرەك. سونىمەن قاتار، باق وكىلدەرى فەيك جاڭالىق پەن اقيقاتتىڭ ارا-جىگىن اجىراتا ءبىلۋى ءتيىس. بۇل قاعيدالار مەديانارىقتىڭ الەمدىك ورنىن ساقتاپ قالۋعا قىزمەت جاسايدى»، - دەدى ول ءوز سوزىندە.
سونىمەن قاتار، تاۋەلسىز ساراپشى ساياسات نۇربەك مەكتەپ باعدارلاماسىنا اقپاراتتىق ساۋاتتىلىقتى ارتتىراتىن پاندەردى ەنگىزۋدى ۇسىندى.
«قازىرگى تاڭدا اقپاراتتى دايارلاۋ مەن ونى شىعارۋ مەرزىمى قىسقارىپ كەتتى. بۇرىن جۋرناليستەر ءۇشىن اقپارات جيناۋ قانشاما ۋاقىت الاتىن، ولارعا رەداكتور تاپسىرما بەرەتىن. قازىر جارتى ساعاتتىڭ ىشىندە جەكە سۋبەكتيۆتى پىكىرى مەن ەموتسياسىنا نەگىزدەلگەن بلوگەردىڭ جازعان اقپاراتىن ءبىر ساعاتتىڭ ىشىندە مىڭداعان، ميلليونداعان ادام كورەدى دە، سول پىكىرگە سۇيەنەدى. ءداستۇرلى باق-تىڭ ىشكى ءوندىرىسىنىڭ ءوزى وزگەرىپ جاتىر. اقپارات دايارلاۋ اقپاراتتى تەكسەرۋ، جالعان حابار دەگەن قازىرگى تاڭدا وتە كوپ. نەگە دەسەڭىز ەموتسياعا نەگىزدەلگەن جالعان حابارعا سەنۋ دە وڭاي بولىپ كەتتى، سونداي-اق جاڭا تەحنولوگيالاردىڭ ارقاسىندا تەز تارالادى»، - دەدى ساراپشى.
شارانىڭ العاشقى كۇنىندە بۇدان وزگە 6 اۆتورلىق شەبەرلىك ساباقتارى جوسپارلانىپ وتىر.
جۋرناليستەرگە تەگىن شەبەرلىك دارىستەرىن وتكىزۋ فورۋمنىڭ الەۋمەتتىك سەرىكتەسى - “Samruk-Kazyna Trust” الەۋمەتتىك جوبالاردى دامىتۋ قورىنىڭ قولداۋىمەن جۇزەگە اسىپ وتىر.
فورۋم ءوز تاريحىندا 6000 اسا شەتەلدىك قاتىسۋشىلاردى، ولاردىڭ قاتارىندا تانىمال جۋرناليستەر، بەلگىلى ساياساتكەرلەر، مىقتى ەكونوميستەر، نوبەل سىيلىعىنىڭ لاۋرەاتتارى، قوعام قايراتكەرلەرى، عالىمدار مەن كاسىپكەرلەردى قازاقستانعا جينادى.
بۇل رەتتە، شەتەلدىك سپيكەرلەر قازاقستاننىڭ الەم الدىنداعى بەدەلىنىڭ كۇن ساناپ ارتىپ كەلە جاتقاندىعىن العا تارتتى.
ەسكە سالا كەتەيىك، فورۋم بارىسىندا 300-دەن اسا شەتەلدىك جانە وتاندىق باق وكىلدەرى فورۋم جاڭالىقتارىن شارتاراپقا تاراتۋدا.
