«Evolıýııanyń 15 jyly: qubylmaly dúnıe jáne bizge ózgeris ákelgen álem» degen taqyrypta Eýrazııa Medıa Forýmy bastaldy, dep habarlaıdy forýmnyń baspasóz ortalyǵy.
Forýmnyń alǵashqy kúni saǵat 9:00-19:00-ge deıin 7 avtorlyq sheberlik dáristeri josparlanýda.
Sharanyń alǵashqy sheberlik dárisin «#Hashtag our stories» kompanııasynyń negizin qalaýshy Iýsýf Omar bastady. Dáris taqyryby: «Mobıldi jýrnalıstıkadan áleýmettik vırtýaldy shyndyqqa deıin». Ol jańa tendenııalar, toqsan toǵyz taraptan shynaıy málimetti terip, áp-sátte álemniń kez-kelgen túkpirinen aqparat alý men taratý múmkindigi týraly baıandady.
Iý.Omardyń sheberlik dárisine jınalǵandardyń deni kóp boldy. Sondaı-aq, ol «zamanýı mýltımedıa» týraly bilgenimen bólisip, qatysýshylar suraqtaryna jaýap berdi.
«Jeti mıllıard adam qazirgi tańda óz uıaly telefondary arqyly jańalyqtar jarshysy bola alady. Aqparattyq tehnologııa damyǵan zamanda dástúrli BAQ-tyń atqarar roli qandaı? Meniń oıymsha, dástúrli BAQ ókilderi analıtıka men kontekstke negizdelý kerek. Sonymen qatar, BAQ ókilderi feık jańalyq pen aqıqattyń ara-jigin ajyrata bilýi tıis. Bul qaǵıdalar medıanaryqtyń álemdik ornyn saqtap qalýǵa qyzmet jasaıdy», - dedi ol óz sózinde.
Sonymen qatar, táýelsiz sarapshy Saıasat Nurbek mektep baǵdarlamasyna aqparattyq saýattylyqty arttyratyn pánderdi engizýdi usyndy.
«Qazirgi tańda aqparatty daıarlaý men ony shyǵarý merzimi qysqaryp ketti. Buryn jýrnalıster úshin aqparat jınaý qanshama ýaqyt alatyn, olarǵa redaktor tapsyrma beretin. Qazir jarty saǵattyń ishinde jeke sýbektıvti pikiri men emoııasyna negizdelgen blogerdiń jazǵan aqparatyn bir saǵattyń ishinde myńdaǵan, mıllıondaǵan adam kóredi de, sol pikirge súıenedi. Dástúrli BAQ-tyń ishki óndirisiniń ózi ózgerip jatyr. Aqparat daıarlaý aqparatty tekserý, jalǵan habar degen qazirgi tańda óte kóp. Nege deseńiz emoııaǵa negizdelgen jalǵan habarǵa sený de ońaı bolyp ketti, sondaı-aq jańa tehnologııalardyń arqasynda tez taralady», - dedi sarapshy.
Sharanyń alǵashqy kúninde budan ózge 6 avtorlyq sheberlik sabaqtary josparlanyp otyr.
Jýrnalısterge tegin sheberlik dáristerin ótkizý Forýmnyń Áleýmettik seriktesi - “Samruk-Kazyna Trust” Áleýmettik jobalardy damytý qorynyń qoldaýymen júzege asyp otyr.
Forým óz tarıhynda 6000 asa sheteldik qatysýshylardy, olardyń qatarynda tanymal jýrnalıster, belgili saıasatkerler, myqty ekonomıster, nobel syılyǵynyń laýreattary, qoǵam qaıratkerleri, ǵalymdar men kásipkerlerdi Qazaqstanǵa jınady.
Bul rette, sheteldik spıkerler Qazaqstannyń álem aldyndaǵy bedeliniń kún sanap artyp kele jatqandyǵyn alǵa tartty.
Eske sala keteıik, forým barysynda 300-den asa sheteldik jáne otandyq BAQ ókilderi forým jańalyqtaryn shartarapqa taratýda.
