10 مامىرعا قاراعان ءتۇنى پەتروپاۆلدا ەكى تۇرعىن ءۇي مەن ءۇش شارۋاشىلىق عيماراتى ورتەندى. ءورت سوندىرۋشىلەر ءتورت ۇيدەگى ءورتتى ءسوندىرىپ ۇلگەردى. بۇل تۋرالى ءوڭىردىڭ توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ءورت سوندىرۋشىلەردىڭ مالىمەتىنشە، پەتروپاۆل قالاسىنىڭ قوپاي شاعىناۋدانىندا قامىس ورتەنگەن. جالىن تۇرعىن ۇيلەرگە تارادى.
«ساعات 18:00 شاماسىندا قامىس جانا باستاعان.ءورت جاقىن ورنالاسقان جەكە ۇيلەرگە تارالدى. ءورتتى سوندىرۋگە جەرگىلىكتى اتقارۋشى ورگاندار مەن ءورت ءسوندىرۋ قىزمەتى جەكە قۇرامىنان 31 ادام جانە 12 بىرلىك تەحنيكا جۇمىلدىرىلدى. ءۇش گاز باللونى ەۆاكۋاتسيالاندى. قازا تاپقاندار مەن زارداپ شەككەندەر جوق. كىرمە جولداردىڭ تارلىعىنان جانە جەكە سەكتور قۇرىلىسىنىڭ تىعىزدىعىنان ءورتتى ءسوندىرۋ كۇردەلەنە ءتۇستى. ءورت ءسوندىرۋ قۇرىلىستارىنىڭ اۋدانى — 173 شارشى مەتر، قامىس — 500 شارشى مەتر. ءورتتىڭ شىعۋ سەبەبى انىقتالىپ جاتىر»، – دەپ حابارلادى تجد.
ايتا كەتەيىك، كەشە قوستانايداعى ءىرى ورتتەن 11 تۇرعىن ءۇي زارداپ شەككەن بولاتىن. مۇندا دا ءورتتىڭ شىعۋ سەبەبىنىڭ ءبىرى توبىل جاعالاۋىنداعى قامىستىڭ جانۋى ەدى.
”ادىرنا” ۇلتتىق پورتالى
