الماتىلىق قۇتقارۋشىلار مەدەۋ اۋدانىنا قاراستى ۆوستوچكا اۋدانىندا ورتەنىپ جاتقان ۇيدەن 57 جاستاعى ەر ادامدى قۇتقاردى، دەپ حابارلايدى “ادىرنا” ۇلتتىق پورتالى توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەپ.
«6 ناۋرىزدا ساعات 18.58-دە الماتىدا مەدەۋ اۋدانىندا جەكە تۇرعىن ۇيدەن ءورت شىعىپ، ءورت كورشىلەس ەكى قاباتتى جەكە تۇرعىن ءۇيدىڭ شاتىرىنا جايىلىپ، جالپى الاڭى 250 شارشى مەتردى شارپىعان»، - دەلىنگەن حابارلامادا.
ءورت ساعات 20.02-دە ءسوندىرىلدى. زارداپ شەگۋشى ازامات جەدەل مەديتسينالىق جاردەم قىزمەتىنە جىبەرىلدى.
«قابىلدانعان شارالار ءورتتىڭ كورشى ۇيگە تارالۋىنا جول بەرمەدى. ءورتتىڭ شىعۋ سەبەبى انىقتالۋدا. ءورتتى سوندىرۋگە تجد جەكە قۇرامىنىڭ 20 ادامى مەن 5 تەحنيكالىق بىرلىك جۇمىلدىرىلدى»، - دەلىنگەن حابارلامادا.