باقاناس اۋىلىندا قوناەۆقا ەسكەرتكىش قويىلدى

3769
Adyrna.kz Telegram
https://adyrna.kz/content/uploads/2022/05/1ac0432d-d0da-475a-91dd-fae7ab38c04f.jpeg

الماتى وبلىسى بالقاش اۋدانىنىڭ باقاناس اۋىلىندا مەملەكەت جانە قوعام قايراتكەرى دىنمۇحامەد قوناەۆتىڭ ەسكەرتكىشى اشىلدى، دەپ حابارلايدى “ادىرنا” ۇلتتىق پورتالى.

«حالقىمىزدىڭ ءبىرتۋار پەرزەنتى، مەملەكەت جانە قوعام قايراتكەرى دىنمۇحامەد احمەتۇلى قوناەۆتىڭ تۋعانىنا بيىل 110 جىل. مەملەكەت باسشىسى قاسىم-جومارت كەمەلۇلىنىڭ جارلىعىمەن قاپشاعاي قالاسىنا قوناەۆتىڭ ەسىمى بەرىلدى. بۇگىن، مىنە، قازاقتىڭ اياۋلى پەرزەنتىنە زور قۇرمەت كورسەتىلىپ، ەڭسەلى ەسكەرتكىش ورناتىلدى. ءىرى تۇلعالاردىڭ ەرەن ەڭبەكتەرىن ۇلگى ەتىپ، ۇلىلاردى ۇلىقتاۋ – باستى پارىزىمىز. دىنمۇحامەد قوناەۆتىڭ بويىنداعى ۇلتجاندىلىق جاستارعا جۇعىستى بولسىن! قازاقتىڭ دارا تۇلعاسىنىڭ ەسكەرتكىشى قۇتتى بولسىن!» – دەگەن قانات بوزىمباەۆ ەسكەرتكىش اۆتورلارى مەن حالىقارالىق «دىنمۇحامەد قوناەۆ قورىنا» العىس ايتتى.

ەسكەرتكىش كۇرتى گرانيتىنەن جاسالعان. تۇعىرىنىڭ

بيىكتىگى - 2 م، ءمۇسىنىنىڭ بيىكتىگى - 3,30 م، تۇتاستاي العاندا – 5,30 م. ءمۇسىننىڭ اۆتورى – التاي بەيسەنوۆ، ساۋلەتشىسى – بەكزات بەيسەنوۆا. ەسكەرتكىش دەمەۋشىلەر ەسەبىنەن تۇرعىزىلدى.

دىنمۇحامەد احمەتۇلىنىڭ ۇرپاعى ەلدار اسقارۇلى قوناەۆ بۇل كۇندى - تاريحي كۇن دەپ باعالادى. دىنمۇحامەد قوناەۆ ءۇشىن اتا-باباسىنىڭ تۋعان جەرى باقاناستىڭ، ونداعى جۇرتشىلىعىنىڭ ءجونى مەن جولى ارقاشان ەرەكشە بولعانىن اتاپ ءوتىپ، حالىقتىڭ نيەتى مەن پەيىلىنە اۋلەتتەرى اتىنان ريزاشىلىق ءبىلدىردى.

جيىن سوڭىندا دىنمۇحامەد قوناەۆ رۋحىنا قۇران باعىشتالىپ، اس بەرىلدى.

ەسكە سالا كەتەيىك، قاپشاعاي قالاسىنا قوناەۆتىڭ اتى سالتاناتتى تۇردە بەرىلگەن بولاتىن.

ادىرنا” ۇلتتىق پورتالى

پىكىرلەر