الماتى وبلىسى كەگەن اۋدانىندا قوعام جانە مەملەكەت قايراتكەرى زامانبەك نۇرقادىلوۆكە ەسكەرتكىش ورناتۋ جۇمىستارى اياسىندا باسقوسۋ ءوتتى، دەپ حابارلايدى «ادىرنا» ءتىلشىسى.
جيىن بارىسىندا زامانبەك قالابايۇلىنا قويىلاتىن ەسكەرتكىشتىڭ ورنىن بەلگىلەۋ، ەسكەرتكىشتىڭ جەر ۋچاسكەلەرىن تاڭداۋ سحەمالارىنىڭ ورنالاسۋى تۋرالى ءسوز قوزعالدى.
«كوپشىلىكتىڭ پىكىرىن ەسكەرىلدى. كەگەن اۋىلىندا جاڭادان بوي كوتەرەتىن كەگەن ونەر مەكتەبىنىڭ الدىنان ساياساتكەردىڭ ەسكەرتكىشىن ورناتۋ جوسپارلانىپ وتىر»،—دەپ مالىمدەدى اۋدان اكىمدىگىنىڭ ءباسپاسوز قىزمەتى.
ەسكە سالايىق، 15 قاڭتاردا زامانبەك نۇرقادىلوۆتىڭ تۋعانىنا 80 جىل تولۋىنا وراي اس بەرىلىپ، قۇران باعىشتالعان ەدى. پرەزيدەنت قاسىم-جومارت توقاەۆ اسقا وراي حات جولداپ، قوعام قايراتكەرىنە ەسكەرتكىش ورناتۋ قاجەت ەكەنىن ايتتى.
