الماتى وبلىسىنىڭ كەگەن اۋدانى اۋماعىندا دەنەسى ورتەنگەن كۇيدە تابىلعان پوليتسيا قىزمەتكەرى اسلان السەروۆتىڭ ولىمىنە قاتىستى تەرگەۋ جالعاسىپ جاتىر، دەپ حابارلايدى "ادىرنا" ۇلتتىق پورتالى.
مارقۇمنىڭ بۇرىنعى ارىپتەسى بۇقارالىق اقپارات قۇرالدارىنا بەرگەن سۇحباتىندا اسلان السەروۆتى كاسىبي مامان، سابىرلى ءارى سپورتپەن تۇراقتى اينالىسقان قىزمەتكەر رەتىندە سيپاتتادى. ونىڭ ايتۋىنشا، پوليتسەي قۇقىق قورعاۋ ورگاندارىندا ۇزاق جىل ەڭبەك ەتىپ، پاتەر ۇرلىعى قىلمىستارىن اشۋ باعىتىندا تاجىريبەلى جەدەل ۋاكىلدەردىڭ ءبىرى بولعان.
«قىزمەت بارىسىندا ونى سابىرلى، ءوز ىسىنە جاۋاپكەرشىلىكپەن قارايتىن مامان رەتىندە تانىدىم. سپورتپەن بەلسەندى اينالىساتىن، بالالارىن دا سپورتقا باۋلىدى»، – دەدى بۇرىنعى ارىپتەسى.
سونىمەن بىرگە ول مارقۇمنىڭ بالالارىنا تالاپشىل بولعانىن ايتقانىمەن، قىزمەت كەزىندە ونى اشۋشاڭ نەمەسە پسيحولوگيالىق تۇرعىدان تۇراقسىز ادام رەتىندە كورمەگەنىن جەتكىزدى.
بۇرىنعى ارىپتەسى قايعىلى وقيعاعا وتباسىلىق جانجال سەبەپ بولۋى مۇمكىن ەكەنىن جوققا شىعارمايتىنىن ايتىپ، بۇل تەك ءوزىنىڭ جەكە پىكىرى ەكەنىن اتاپ ءوتتى.
سونداي-اق ول قۇقىق قورعاۋ ورگاندارىنداعى قىزمەتتىڭ جوعارى پسيحولوگيالىق جۇكتەمەسى پوليتسيا قىزمەتكەرلەرىنىڭ ەموتسيونالدىق كۇيىنە اسەر ەتۋى مۇمكىن ەكەنىن ايتتى.
