Almaty oblysynyŋ Kegen audany aumaǧynda denesı örtengen küide tabylǧan polisiia qyzmetkerı Aslan Älserovtıŋ ölımıne qatysty tergeu jalǧasyp jatyr, dep habarlaidy "Adyrna" ūlttyq portaly.
Marqūmnyŋ būrynǧy ärıptesı būqaralyq aqparat qūraldaryna bergen sūhbatynda Aslan Älserovtı käsıbi maman, sabyrly ärı sportpen tūraqty ainalysqan qyzmetker retınde sipattady. Onyŋ aituynşa, polisei qūqyq qorǧau organdarynda ūzaq jyl eŋbek etıp, päter ūrlyǧy qylmystaryn aşu baǧytynda täjıribelı jedel uäkılderdıŋ bırı bolǧan.
«Qyzmet barysynda ony sabyrly, öz ısıne jauapkerşılıkpen qaraityn maman retınde tanydym. Sportpen belsendı ainalysatyn, balalaryn da sportqa baulydy», – dedı būrynǧy ärıptesı.
Sonymen bırge ol marqūmnyŋ balalaryna talapşyl bolǧanyn aitqanymen, qyzmet kezınde ony aşuşaŋ nemese psihologiialyq tūrǧydan tūraqsyz adam retınde körmegenın jetkızdı.
Būrynǧy ärıptesı qaiǧyly oqiǧaǧa otbasylyq janjal sebep boluy mümkın ekenın joqqa şyǧarmaitynyn aityp, būl tek özınıŋ jeke pıkırı ekenın atap öttı.
Sondai-aq ol qūqyq qorǧau organdaryndaǧy qyzmettıŋ joǧary psihologiialyq jüktemesı polisiia qyzmetkerlerınıŋ emosionaldyq küiıne äser etuı mümkın ekenın aitty.
