Keşegı dostan bügıngı qasqa ainalǧan Ǧalymjan Jaqiianov pen Tölen Toqtasynovtyŋ arasyndaǧy mülık dauy älı toqtar emes. Būǧan deiın Almaty qalasynyŋ audandyq jäne qalalyq sotynda bırqatar üderıster oryn alsa, endı Almaty oblysy Talǧar audandyq sotynda taǧy bır dau qaralyp jatyr.
30 qyrküiek künı Talǧar audandyq sotynda ıs qaraldy. Būl turaly Respublika.kz saity jariialady, dep habarlaidy “Adyrna” ūlttyq portaly.
Bır qyzyǧy, būl sotta Toqtasynov ta, Jaqiianov ta bır jaqta – aiyptaluşy retınde boldy.
Britandyq Virgin araldarynda tırkelgen Quinton Overseas Ltd kompaniiasy Toqtasynov pen Jaqiianovqa qarsy şaǧym tüsırgen. Bıraq daudyŋ basy sol bır moŋǧoldyq ALGT kompaniiasynan bastalady.
Taǧy bır talapker – advokat Tagir Sisimbaevtyŋ ūly. Onyŋ osy kompaniiamen bailanysy bar.
Aita keteiık, Tagir Sisimbaevtyŋ özı ekı dos arasyndaǧy dauǧa qatysty barlyq derlık sot prosesterıne belsendı qatysyp keledı.
Būl mäselenıŋ qalai bastalǧany turaly būryn da jazdyq. 2019 jyly Tölen Toqtasynov ALGT-degı öz ülesın Ǧalymjan Jaqiianovqa satady, būl elektrondy türde qol qoiylǧan hattamalyq kelısımde tırkeledı. Alaida, Jaqiianov būl üles üşın somanyŋ bır bölıgın tölep, keiınnen Toqtasynovtyŋ oǧan ülestı satyp, sol uaqytta ielık etpeitının alǧa tartyp, qaryzdy tolyq öteuden bas tartady. Ol tıptı tölengen bölıgın qaitaru turaly sotqa şaǧym tüsıredı.
Şynynda da, mämıle jasalǧan kezde ALGT-tıŋ 100% iesı Quinton Overseas Ltd kompaniiasy boldy. Onyŋ basşysy - Ǧalymjan Jaqiianovtyŋ Mäskeudegı Bauman atyndaǧy Mäskeu joǧary tehnikalyq mektebınde bırge oqyǧan jyldarynan bıletın reseilık Sergei Denisov boldy.
Prosesterdıŋ bırınde Tölen Toqtasynov būdan būryn tüsındırgendei, ALGT-tıŋ barlyq ielerınıŋ aksiialaryn Quinton Overseas Ltd menşıgıne beru ALGT-tı älemdık birjalar platformasyna şyǧaru maqsatynda jüzege asyryldy. Naǧyz benefisiarlar Jaqiianov pen Toqtasynovty qosqanda būrynǧy qojaiyndar bolyp qalǧan.
Degenmen, Quinton Overseas Ltd kompaniiasynyŋ talap aryzynda kompaniia Toqtasynov pen Jaqiianov arasyndaǧy mämıle turaly tek 2022 jyly bılgenı aitylǧan. Jäne osynyŋ negızınde kompaniia joǧaryda atalǧan hattamalyq kelısımdı jaramsyz dep tanudy talap etedı.
Talapqa bergen jauabynda Tölen Toqtasynovtyŋ ökılı Baqyt Qaseiınov: talap qoiudyŋ eskıru merzımı ötıp ketken, iaǧni üş jyl (2022 jyly bıttı) degen negızdememen qanaǧattandyrudan bas tartu kerek dep körsetedı.
Zaŋger sondai-aq mämılenıŋ barlyq män-jailarynyŋ būryn zerttelıp, basqa sottarda sūralmaǧandyǧyna sılteme jasaidy.
Quinton Overseas Ltd kompaniiasynyŋ advokaty mämıle turaly kompaniia 2022 jyly ǧana bılgen (demek, eskıru merzımı älı aiaqtalǧan joq) degen uäjın joqqa şyǧarady: 2019 jyly däl osy Jaqiianov Quinton Overseas Ltd kompaniiasynyŋ uäkılettı ökılı bolǧan. Moŋǧoliiada (senımhatqa 2017 jyldan 2020 jylǧa deiıngı kezeŋge Denisov qol qoiǧan). Iаǧni, Jaqiianov jürgızılıp jatqan mämıleler turaly basşylyqqa habar bermei tūra almady.
Qyrküiektıŋ 30-y künı sotta taraptar arasyndaǧy daular oryn aldy.
