Semeı qalasynyń mańynda sıntetıkalyq esirtki taratýmen aınalysqan stýdentter ustaldy. Bul týraly QR IIM TJK baspasóz qyzmeti málimdedi, dep habarlaıdy “Adyrna” ulttyq portaly.
Málimet boıynsha, úsh kúdikti de 18 jasta jáne jergilikti kolledjderdiń birinde oqıdy. Olar esirtki satýshylardan Telegram arnalar men psıhotroptyq zattardy satatyn saıttar arqyly tapsyrys alǵan.
Olardyń jumysy Semeı aýmaǵynda esirtkini jetkizý bolǵan. Tintý kezinde olardan jalpy salmaǵy 13 gramnan asatyn, úlken ólshemdi quraıtyn sıntetıkalyq "Alfa-PVP" esirtkisi salynǵan, polıetılenge oralǵan 34 túıinshek tabyldy.
Ustalǵandar ýaqytsha ustaý ızolıatoryna qamaldy. Olar 15 jylǵa deıin bas bostandyǵynan aıyrylýy múmkin.
Esirtki bıznesine jastar ádette qosymsha jumys izdep jıi túsip ketedi. Osy oraıda polıııa ata-analardy saq bolýǵa shaqyrady.
"Jumys sıpatyn teksermeı saıt ákimshisi, kýrer retindegi qyzmetke ornalasý týraly usynystardy qabyldamańyzdar. Ádette jumys berýshiler joǵary tabys pen kez kelgen ýaqytta bıznesten kásipti tastap kete alý múmkindigimen jastardy qyzyqtyrady. Degenmen esirtki taratýshylar men esirtki jetkizýshilerdi polıııa ustap, sot úkimimen uzaq jyldarǵa bas bostandyǵynan aıyryp jatady", – dedi polıııa.
”Adyrna” ulttyq portaly
