Para aluǧa ärekettengen. Şymkent äkımınıŋ eks-orynbasary 8,5 jylǧa sottaldy

Şymkent qalasynyŋ mamandandyrylǧan audanaralyq qylmystyq soty būrynǧy Şymkent äkımınıŋ orynbasary Maqsūt İsahovty 8,5 jylǧa sottady, dep habarlaidy “Adyrna” ūlttyq portaly. Maqsūt İsahov ömırınıŋ soŋyna deiın memlekettık qyzmet atqaru qūqyǧynan aiyryldy. Maqsūt İsahov 2020 jyldyŋ aqpan aiynan bastap Şymkent äkımı orynbasary qyzmetın atqardy, bırneşe salalarǧa jetekşılık ettı. Kölık jäne avtojoldar salu, turizm, qalanyŋ sporttyq ömırı, sifrlandyru jäne jerdı paidalanu men qorǧaudy memlekettık baqylau salalaryna jauapty bolǧan. 2023 jylǧy 20 şıldede ŪQK qyzmetkerlerı Mahsut İsahovty sybailas jemqorlyqqa küdık boiynşa ūstady. Oǧan Şymkent qalasy boiynşa ŪQKD bırınşı orynbasary Manat Sarbasovqa asa ırı mölşerde para beruge oqtalǧany üşın aiyp taǧyldy. Tergeu mälımetterı boiynşa, İsahov Manat Sarbasovqa qarsy qylmystyq ıstı toqtatqany üşın 200 myŋ dollar ūsynǧan. İsahov ŪQKD bastyǧynyŋ orynbasary odan jarty million dollar bopsalaǧanyn mälımdedı. Memlekettık aiyptauşy sottaluşyǧa memlekettık qyzmette qyzmet etu qūqyǧynan ömır boiyna aiyra otyryp, 8,5 jylǧa bas bostandyǧynan aiyrudy sūrady, sondai-aq İsahovty «Qūrmet» memlekettık ordenınen aiyrudy ūsyndy. Özınıŋ soŋǧy sözınde Maqsūt İsahov 3,5 jyl äkımdıktegı qyzmetınde ädıl, abyroimen jūmys ısteuge tyrysqanyn aitty. «Qolymnan kelgenın barlyǧyn jasadym. Şymkent qalasy halqynyŋ jaqsy ömır süruıne jaǧdai jasauǧa tyrystym. Manat Sarbasovtyŋ maǧan degen jeke közqarasy bolǧanyn bılemın. Prokurorlar 8,5 jyl sūrady. Būl oqiǧadan maǧan senetın adamdar bar ekenıne közım jettı. Sot ädıl şeşım şyǧarady dep oilaimyn. Bızdegı zaŋ ädıl dep oilaimyn», - dedı ol. Şymkent qalasynyŋ audanaralyq sot äkımnıŋ eks-orynbasaryn 8,5 jylǧa sottady. Ükım zaŋdy küşıne engen joq.