رەسەي دۇكەندەرىن توناپ جاتىر

2475
Adyrna.kz Telegram
فوتو: novoetv.kz
فوتو: novoetv.kz

رەسەي دۇكەندەرىندەگى ۇرلىق سانى اقپاننان ساۋىرگە دەيىن ءوستى. بۇل تۋرالى ربك NTechLab بەتتى تانۋ جۇيەسى مالىمدەدى، دەپ حابارلايدى “ادىرنا” ۇلتتىق پورتالى.

ماسەلەن، سوڭعى ءۇش ايدا ءبىر دۇكەندە ورتا ەسەپپەن شامامەن 130 ۇرلىق تىركەلدى. بۇل 2021 جىلمەن سالىستىرعاندا 18%-عا كوپ. سونىمەن قاتار، ساراپشىلار ازىق-تۇلىك بولشەك ساۋداسىنداعى دا، دۇكەندەردەگى دە دەرەكتەردى كيىم-كەشەك، بالالار تاۋارلارى، ۇيگە، باقشاعا جانە جوندەۋگە ارنالعان زاتتارمەن سالىستىردى.

كوبىنەسە ازىق-تۇلىك دۇكەندەرىندە تاۋارلار قورجىنمەن بىردەن ۇرلانادى. مۇنداي وقيعالاردىڭ سانى 27 پايىزعا ارتقان. بارلىق ۇرلىقتاردىڭ ىشىندە 19 پايىزى كونديتەرلىك ونىمدەر، 16 پايىزى شۇجىق ونىمدەرى، 14 پايىزى الكوگولدىك ونىمدەر، 13 پايىزى ىرىمشىك، 7 پايىزى كوفە مەن كاكاو.

ۇرلانعان زاتتاردىڭ ورتاشا سوماسى 1,5 مىڭ ءرۋبلدى قۇرايدى.

29 ناۋرىزدا بەلگىسىز بىرەۋلەر ماسكەۋدەگى مامانداندىرىلعان دۇكەننەن قۇنى 200 مىڭ رۋبل بولاتىن مەتالل ىزدەگىشتەردى الىپ كەتكەنى بەلگىلى بولدى. ءبىر كۇن بۇرىن ۆولگوگرادسكي داڭعىلىنداعى مەتالل ىزدەگىشتەر دۇكەنىنىڭ 34 جاستاعى مەڭگەرۋشىسى قۇقىق قورعاۋ ورگاندارىنا جۇگىنگەن.

ادىرنا” ۇلتتىق پورتالى

پىكىرلەر