ەكىباستۇزدا فيتنەس-جاتتىقتىرۋشى ەسىرتكى وتكىزۋمەن اينالىسقان، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
پاۆلودار وبلىسىنىڭ جەدەل قىزمەتكەرلەرى ەكىباستۇز قالاسىنىڭ اۋماعىندا سينتەتيكالىق ەسىرتكى زاتتارىن وتكىزۋمەن اينالىسقان پاۆلودار قالاسى تۇرعىندارىنىڭ ىشىنەن قىلمىستىق توپتىڭ قۇقىققا قارسى ارەكەتىنىڭ جولىن كەستى.
– قولدا بار اقپارات بويىنشا جاستاردى سپورتقا دەگەن قۇشتارلىق پەن ينتەرنەت-دۇكەندەگى كۋرەر-كەپىلگەرلەردىڭ جۇمىسى بىرىكتىردى. جەدەل-ىزدەستىرۋ ءىس-شارالارىن جۇرگىزۋ كەزىندە پاۆلودار قالاسىنىڭ سپورت كلۋبتارىنىڭ ءبىرىنىڭ جاتتىقتىرۋشىسى ۇستالدى، ول ءوزىنىڭ اۆتوكولىگىمەن تىيىم سالىنعان زاتتاردى وتكىزۋمەن اينالىسقان. تەكسەرۋ ناتيجەسىندە، 29 جاستاعى جاس جىگىت پەن ونىڭ 19 جاستاعى سەرىكتەسىنەن 47 گرامم گاشيش جانە 52 گرامنان استام سينتەتيكالىق ەسىرتكى تابىلدى. كۇدىكتىلەر جەدەلحات مەسسەندجەرىن پايدالانا وتىرىپ، سينتەتيكالىق ەسىرتكى تاراتقانى انىقتالدى، – دەدى پاۆلودار وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى مالىك وڭعارباەۆ.
اتالعان فاكتى بويىنشا قازاقستان رەسپۋبليكاسى قك-ءنىڭ 297-بابىنىڭ 3-ءبولىمى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سوتقا دەيىنگى تەرگەۋ جۇرگىزىلىپ جاتىر.
ەكى ايىپتالۋشىعا قاتىستى سوت قاماۋعا الۋ تۇرىندەگى بۇلتارتپاۋ شارالارىن تاڭدادى.
«ادىرنا» ۇلتتىق پورتالى
