تالدىقورعان قالاسىندا «جاستاردى الەۋمەتتەندىرۋ جانە وڭالتۋ» جوباسى اياسىندا NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى بويىنشا «NEET جاستارى: قۇلىقسىز جاستاردى قالاي ىنتالاندىرامىز؟» تاقىرىبىندا پىكىرتالاس ءوتتى، دەپ حابارلايدى "ادىرنا" ۇلتتىق پورتالى.
اتالعان ءىس-شارا 2022 جىلدىڭ 17-مامىرىندا قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا وتكىزىلدى.
جوبا جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان.
ۇيىمداستىرىلعان پىكىرتالاستىڭ ماقساتى – جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ جولىندا تۋىنداعان الەۋمەتتىك ماسەلەلەرگە قاتىستى ارنايى، بىلىكتى مامانداردان جاۋاپ الۋ.
پىكىرتالاسقا "جاستار باستامالارىن دامىتۋ جانە NEET توبىمەن جۇمىس" ءبولىمىنىڭ باسشىسى ءمولدىر ەرلانقىزى، اتامەكەن پالاتاسىنان ايدىن امانكەلدىۇلى، تالدىقورعان پوليتەحنيكالىق كوللەدجىنىڭ ديرەكتورى مۇقاجانوۆ ەرقات، پروفەسسور عالىم تايگۋلوۆ جانە ورتا ءبىلىم اياقتاۋشى تۇلەكتەر، ستۋدەنتتەر، جۇمىسسىز جاستار قاتىستى.
ء"بىزدىڭ نەگىزگى ماقساتىمىز - بولاشاق باسەكەگە قابىلەتتى، جوعارى مادەنيەتتى، زايىرلى، الەۋمەتتىك بەلسەندى جانە ادامگەرشىلىگى جوعارى ساپاداعى ازاماتتاردىڭ باستامالارىن قولداۋ، NEET ساناتىنداعى جاستارمەن جۇمىس جاساۋ، ولاردىڭ سانىن ازايتۋ بولىپ تابىلادى. قازىرگى تاڭدا وسى باعىت بويىنشا قارقىندى جۇمىس جاساۋدامىز" دەدى ءمولدىر ەرلانقىزى.
پىكىرتالاس بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا جاستار ماماندارعا سۇراق قويىپ، جاۋاپ الدى.
"ەكونوميكانىڭ ماڭىزدى سەكتورى كاسىپكەرلىكتى ءوسىرۋ، وركەندەتۋ جانە نىعايتۋ. وڭىرلىك كەڭەس پالاتا ديرەكتسياسىنا مەملەكەتتىك بيلىك ورگاندارىمەن، ۇكىمەتتىك ەمەس، قوعامدىق جانە حالىقارالىق ۇيىمدارمەن ءوزارا ءىس-قيمىل جاساۋعا، باسقارۋ ورگاندارى قابىلداعان باعدارلامالىق قۇجاتتاردى ىسكە اسىرۋعا جاردەمدەسەمىز. كەز-كەلگەن جاس بۋىن ءبىزدىڭ كومەگىمىزگە، قىزمەتىمىزگە ءوز باستاماسى ارقىلى جۇگىنە الادى" دەپ پىكىر ءبىلدىردى ايدىن مىرزا.
پروفەسسور تايگۋلوۆ جاستارعا موتيۆاتسيا بەرىپ، قازىرگى زامانعى وسىنداي پروبلەمالاردىڭ پايدا بولۋىنا مەكتەپتەگى فۋندامەنتالدى ءبىلىمنىڭ جەتكىلىكسىزدىگىەن دەپ اتاپ ءوتتى:
"مەن نەگىزىنەن قازاق پەداگوگ-اعارتۋشىسى ىبىراي ءالتىنساريننىڭ ۇستانىمى بويىنشا ءومىر سۇرەمىن. ءبىز، پەداگوگتار، قازاقستاندىق جاستاردىڭ ويلاۋ ۆەكتورىن تەك "العا" باعىتتاۋىمىز كەرەك. ياعني، مەكتەپتەگى تۇپكىلىكتى ءبىلىم جاستاردىڭ ورتا بۋىن ۋاقىتىنداعى قالىپتاسۋىنا اسەر ەتەدى. ولاردىڭ جۇمىس ىستەۋگە دەگەن قۇلىقسىزدىعى، بەلسەندى ومىرگە ۇمتىلماۋىنا ونىڭ ورتاسى، ءبىز بەرگەن ءبىلىم مەن تاربيە بەرىپ وتىرعان اتا-اناسىنىڭ دا ىقپالى بار، - دەدى ول.
"ادىرنا" ۇلتتىق پورتالى
