بەلارۋس پرەزيدەنتى الەكساندر لۋكاشەنكو قر ۇلتتىق قاۋىپسىزدىك كوميتەتىنىڭ توراعاسى كارىم ماسىموۆپەن كەزدەستى. ونىمەن بىرگە ارنايى قىزمەتتەر ارقىلى ەلدەر اراسىنداعى ىنتىماقتاستىقتى دامىتۋدىڭ كەلەشەگى تالقىلاندى، دەپ حابارلايدى "ادىرنا" ۇلتتىق پورتالى belta.by سايتىنا سىلتەمە جاساپ.
ءبىزدىڭ توراعامەن كەلىسكەننىڭ ءبارىن (بەلارۋس مەملەكەتتىك قاۋىپسىزدىك كوميتەتىنىڭ باسشىسى - رەداكتوردىڭ ەسكەرتۋى) ءبىز زور قۇرمەتپەن ورىندايمىز. ءبىز بىرىگىپ جۇمىس جاسايمىز، بۇل بىزگە جانە قازاقستان ءۇشىن ءتيىمدى ءارى قاجەت. ءبىز ارنايى قىزمەتتەر ارقىلى قيىن ماسەلەلەردى تالقىلاپ، بىرىگە شەشەتىن ارنايى كانال قۇردىق.
الەكساندر لۋكاشەنكو
بەلارۋس باسشىسى سونداي-اق دۋشانبەدە ۇقشۇ سامميتىندە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆپەن كەزدەسىپ، ەلدەر اراسىنداعى ىنتىماقتاستىقتى دامىتۋ ماسەلەلەرىن تالقىلاۋعا نيەتتى ەكەنىن ايتتى.
توقاەۆتاي پرەزيدەنتى بار قازاقستاندىقتار باقىتتى. ءبىز سىزدەردەن حالىق اتىنان، مەملەكەت اتىنان جاسالعان بۇل دوستىق جۇمىستى ۇيرەنۋىمىز كەرەك.
الەكساندر لۋكاشەنكو
ءوز كەزەگىندە، قر ۇقك باسشىسى بەلارۋسياعا ساپارى الدىندا قازاقستاننىڭ تۇڭعىش پرەزيدەنتى نۇرسۇلتان نازارباەۆپەن جانە قازىرگى مەملەكەت باسشىسى قاسىم-جومارت توقاەۆپەن قابىلداۋى بولعانىن ايتتى.
"ولار مەنەن سالەم ايتۋىمدى ءوتىندى. نۇرسۇلتان ءابىشۇلى: «مەنىڭ ەسكى دوسىما سالەم ايت»، - دەدى. قاسىم-جومارت كەمەلۇلى سونداي -اق 16 قىركۇيەكتە دۋشانبەدە ۇقشۇ ارقىلى وتەتىن كەزدەسۋدىڭ قارساڭىندا سىزبەن ءوزارا ءىس -قيمىل تۋرالى تالقىلاعىسى كەلەتىن تاپسىرمالار بەردى. (...) مەنىڭ ويىمشا، بىزدە تالقىلاناتىن كوپ نارسە بار، ويتكەنى ءبىز دوستاس ەلدەر بولعاندىقتان، ءبىزدىڭ ماقسات پەن مىندەتتەرىمىز ءبىر، ءبىز ءبىر -بىرىمىزگە كومەكتەسۋىمىز كەرەك", دەدى كارىم ءماسىموۆ.
"ادىرنا" ۇلتتىق پورتالى
