العىر وي مەن ادال ەڭبەك! كاسىپ باستاۋدىڭ جولدارى

3058
Adyrna.kz Telegram

نۇر-سۇلتان قالاسىندا باستاۋ العان «ارماندا، ماقسات قوي، ەڭبەك ەت، داۋلەتتى بول!» تاقىرىبىنداعى تەD-x كونفەرەنتسيا الماتىدا جالعاسىن تاپتى.

 ءىس-شارا «جاستاردى الەۋمەتتەندىرۋ جانە وڭالتۋ» جوباسى اياسىندا ءوتتى. جوبا ماقساتى - جۇمىسسىز جاستاردى جۇمىسپەن قامتىلۋىنا سەپتىگىن تيگىزىپ، قۇلىقسىز جاستاردى جىگەرلەندىرۋ دەيدى جوبا جەتەكشىسى.

«تەحنيكالىق سالادا ەلىمىزگە جاستاردىڭ كوبىرەك كەلگەنى جاقسى. ولار، بىلايشا ايتقان كەزدە، جاراتىلىستانۋ عىلىمى دەيدى، سول باعىتتا، وكىنىشكە قاراي،  كوپتەگەن مامان جەتىسپەيدى. ورنىن شەتەلدىك ماماندار تولتىرىپ جاتىر. ءبىز قولدان كەلگەنشە، جاستارعا دارىپتەپ، ناسيحاتتاپ جاتىرمىز»،-دەيدى «ادىرنا» قوعامدىق قورىنىڭ باسشىسى ارمان اۋباكىر.

اتالمىش كونفەرەنتسياعا تانىمال بلوگەرلەر مەن كاسىپكەرلەر قاتىستى. جاستارعا موتيۆاتسيا بەرىپ، تاجىريبەسىمەن ءبولىستى. مىندەت بولاشاق ۇرپاقتىڭ ومىرلىك جوسپارلارى مەن كەلەشەگىن دۇرىس باعدارلاۋعا سەپتىگىن تيگىزۋ دەيدى دينارا بەردالى.

«ەگەر سەن اتا-اناڭا، جەتى اتاڭا، اينالاڭداعىعا ريزا بولىپ، شۇكىرمەن ءومىر سۇرسەڭ، بويىڭا ەنەرگيا بىتەدى. ال ەنەرگيا ءسىزدى العا جەتەلەيدى. بۇل پسيحولوگيادا دالەلدەنگەن. سوندىقتان ءىسىڭ ءجۇرسىن دەسەڭ، كاسىپ باستايمىن دەسەڭ، اۋەلى بارىڭا ريزا بول»،-دەيدى بلوگەر، كاسىپكەر دينارا بەردالى.

ءىس-شارا بارىسىندا تابىستى بيزنەسمەندەردىڭ ءبىرى جاستارعا مۇمكىندىكتىڭ كوپ ەكەنىن تىلگە تيەك ەتە وتىرىپ، كاسىپ باستاۋدىڭ جولدارىمەن ءبولىستى.

«قازىر كاسىپ باستايمىن دەگەن ادامعا مۇمكىندىك وتە كوپ. تەگىن ۆيدەو كۋرستار، اقىلى كۋرستار بار، ينتەرنەت دامىعان.سونىمەن قاتار، جاستاردىڭ كاسىپ باستاۋىنا كومەكتەسەتىن «اتامەكەن» پالاتاسى دا جۇمىس ىستەيدى. بۇل كاسىپ باستاۋدىڭ ءبىرىنشى جولى. ەكىنشى جولى ءوزىڭ ۇناتاتىن كاسىپورىندا ىستەپ، تاجىريبە جيناۋ. ءۇشىنشى جولى مىقتى مامانمەن سەرىكتەس بولۋ. سول ارقىلى كىشى كاسىپ باستاي الاسىڭ. كىشى كاسىپتەن ومىرلىك تاجىريبە ۇتاسىڭ»,- دەيدى ايبەك قۋاتباي.

سونىمەن قاتار تانىمال ۆيدەو-بلوگەر ادىلەت راحمەتوللا العاشقى كاسىبىن قالاي باستاعانىن ايتىپ، ومىرلىك داعدىلارىمەن ءبولىستى. ول العاشىندا تابىس كورمەي، تىنىمسىز ەڭبەك ەتكەن.

«كوپشىلىكتىڭ كاسىپ باستاۋداعى نەمەسە وقۋ بىتىرگەلى جاتقان ستۋدەنتتەردىڭ قاتەلىگى بىردەن پايدا كورسەم دەيدى. ول ۇلكەن قاتەلىك. تەگىن ىستەپ تاجىريبە جيناڭىز، كەيىن سول تاجىريبە سىزگە جەمىسىن بەرەدى. ەكىنشى ماسەلە ەرتە تۇرىپ، ءىسىڭدى كەيىنگە قالدىرماۋ. ەرتە تۇرساڭ جاراتۋشى نەسىبەڭدى ارتتىرىپ، ىستەرىڭدى رەتتەپ قويادى»،-دەپ كەڭەس بەردى.

پىكىرلەر