Nur-Sultan qalasynda bastaý alǵan «Armanda, maqsat qoı, eńbek et, dáýletti bol!» taqyrybyndaǵy TED-x konferenııa Almatyda jalǵasyn tapty.
Is-shara «Jastardy áleýmettendirý jáne ońaltý» jobasy aıasynda ótti. Joba maqsaty - jumyssyz jastardy jumyspen qamtylýyna septigin tıgizip, qulyqsyz jastardy jigerlendirý deıdi joba jetekshisi.
«Tehnıkalyq salada elimizge jastardyń kóbirek kelgeni jaqsy. Olar, bylaısha aıtqan kezde, jaratylystaný ǵylymy deıdi, sol baǵytta, ókinishke qaraı, kóptegen maman jetispeıdi. Ornyn sheteldik mamandar toltyryp jatyr. Biz qoldan kelgenshe, jastarǵa dáriptep, nasıhattap jatyrmyz»,-deıdi «Adyrna» qoǵamdyq qorynyń basshysy Arman Áýbákir.
Atalmysh konferenııaǵa tanymal blogerler men kásipkerler qatysty. Jastarǵa motıvaııa berip, tájirıbesimen bólisti. Mindet bolashaq urpaqtyń ómirlik josparlary men keleshegin durys baǵdarlaýǵa septigin tıgizý deıdi Dınara Berdaly.
«Eger sen ata-anańa, jeti atańa, aınalańdaǵyǵa rıza bolyp, shúkirmen ómir súrseń, boıyńa energııa bitedi. Al energııa sizdi alǵa jeteleıdi. Bul psıhologııada dáleldengen. Sondyqtan isiń júrsin deseń, kásip bastaımyn deseń, áýeli baryńa rıza bol»,-deıdi bloger, kásipker Dınara Berdaly.
Is-shara barysynda tabysty bıznesmenderdiń biri jastarǵa múmkindiktiń kóp ekenin tilge tıek ete otyryp, kásip bastaýdyń joldarymen bólisti.
«Qazir kásip bastaımyn degen adamǵa múmkindik óte kóp. Tegin vıdeo kýrstar, aqyly kýrstar bar, ınternet damyǵan.Sonymen qatar, jastardyń kásip bastaýyna kómektesetin «Atameken» palatasy da jumys isteıdi. Bul kásip bastaýdyń birinshi joly. Ekinshi joly óziń unatatyn kásiporynda istep, tájirıbe jınaý. Úshinshi joly myqty mamanmen seriktes bolý. Sol arqyly kishi kásip bastaı alasyń. Kishi kásipten ómirlik tájirıbe utasyń»,- deıdi Aıbek Qýatbaı.
Sonymen qatar tanymal vıdeo-bloger Ádilet Rahmetolla alǵashqy kásibin qalaı bastaǵanyn aıtyp, ómirlik daǵdylarymen bólisti. Ol alǵashynda tabys kórmeı, tynymsyz eńbek etken.
«Kópshiliktiń kásip bastaýdaǵy nemese oqý bitirgeli jatqan stýdentterdiń qateligi birden paıda kórsem deıdi. Ol úlken qatelik. Tegin istep tájirıbe jınańyz, keıin sol tájirıbe sizge jemisin beredi. Ekinshi másele erte turyp, isińdi keıinge qaldyrmaý. Erte tursań jaratýshy nesibeńdi arttyryp, isterińdi rettep qoıady»,-dep keńes berdi.
