Elimiz suıytylǵan munaı gazyn avtomobıl kóligimen áketýge úsh jyl merzimge jáne temirjol kóligimen áketýge alty aı merzimge tyıym salmaq, dep habarlaıdy «Adyrna» ulttyq portaly Ulysmedia.kz saıtyna silteme jasap.
Energetıka mınıstrligi Suıytylǵan munaı gazyn tasymaldaýdyń keıbir máseleleri týraly" buıryq ázirledi.
«Ónimdi bólý týraly kelisim ne Qazaqstan Respýblıkasynyń prezıdenti bekitken jer qoınaýyn paıdalanýǵa arnalǵan kelisimshart sheńberinde óndirýdi júzege asyrǵan, ne jer qoınaýyn paıdalanýshylardyń áketýin qospaǵanda, Qazaqstan Respýblıkasynyń aýmaǵynan suıytylǵan munaı gazyn, propandy jáne býtandy avtomobıl kóligimen áketýge úsh jyl merzimge jáne temirjol kóligimen áketýge alty aı merzimge tyıym salý engizilsin», – delingen habarlamada.
Vedomstvo shekteý Qazaqstannyń ishki naryǵyn suıytylǵan munaı gazymen qamtamasyz etý maqsatynda engizilip jatqanyn málimdedi.
Buıryq jobasy 24 qazanǵa deıin talqylanady.
Aıta keteıik, budan buryn Reseılik munaı Qazaqstan ónimin Ózbekstan naryǵynan yǵystyrǵany habarlanǵan.
«Adyrna» ulttyq portaly
