ديماش قۇدايبەرگەننىڭ جانە باسقا دا جۇلدىزداردىڭ قاتىسۋىمەن ۆوكالدىق كونكۋرستىڭ فينالى اقتوبەدە 1-2 ماۋسىمدا وتەدى. 2020 مەن 2021 جىلدارى ونى استانا مەن الماتى قالاسىندا وتكىزۋ بولجانىپ وتىر.
2018 جىلعى 29 مامىردا اقتوبە وبلىسىنىڭ وڭىرلىك كوممۋنيكاتسيالار قىزمەتىندە 1-2 ماۋسىمعا بەلگىلەنگەن «Baqytty Bala» بالالار ۆوكالدىق فەستيۆال-كونكۋرسىنىڭ الداعى فينالى بويىنشا ءباسپاسوز ءماسليحاتى ءوتتى. باق وكىلدەرىنىڭ سۇراقتارىنا اقتوبە قالاسى اكىمىنىڭ ورىنباسارى كۇلپارشىن ايدارحانوۆا، «ديماشالي» شىعارماشىلىق ورتالىعىنىڭ باسشىسى قانات ايتباەۆ، «BaqyttyBala» فەستيۆالىنىڭ رەجيسسەر-ستسەناريسى، ۋكراينا، گرەتسيا، تۇركيا، قازاقستانداعى حالىقارالىق كولەمدى جوبالاردىڭ اۆتورى اننا وبويانسكايا جاۋاپ بەردى. باسقوسۋعا «اقتوبە قالاسى مادەنيەت جانە تىلدەردى دامىتۋ ءبولىمى» مم باسشىسى التىناي يۋنيسوۆا جانە «ديماشالي» شىعارماشىلىق ورتالىعىنىڭ وكىلى، بۇكىل الەمگە ايگىلى ءارتىس ديماش قۇدايبەرگەننىڭ اناسى سۆەتلانا ايتباەۆا قۇرمەتتى قوناقتار رەتىندە قاتىستى.
«Baqytty Bala-2018» ەسترادالىق ءان كونكۋرسى ەكەندىگىن، وعان 10-نان 15 جاس شاماسىنا دەيىنگى جاس مۋزىكالىق دارىندى بالالار قاتىسقانىن ەستەرىڭىزگە سالامىز. اقتوبە وبلىسىنىڭ اكىمدىگى، «QAZAQSTAN» ۇلتتىق ارناسىنىڭ قولداۋىمەن «ديماشالي» شىعارماشىلىق ورتالىعى فەستيۆالدىڭ ۇيىمداستىرۋشىلارى بولدى.
كونكۋرس قاتىسۋشىلارى انا تىلىندە كەز كەلگەن ءبىر ءاندى (سونىڭ ىشىندە ءوزى شىعارعان ءبىر ءاندى) جانە قالاۋى بويىنشا الەمدىك ءحيتتى جەكە ورىنداۋى كەرەك. بالالار شىعارماشىلىعىنىڭ اۋقىمدى جوباسى قاشىقتىقتان ىرىكتەۋ كەزەڭىن جانە بالالار ەسترادالىق اندەرىنىڭ فينالدىق كونكۋرسىن قوسا العاندا، بىرنەشە كەزەڭدە وتەدى. ۇيىمداستىرۋشىلار اتاپ وتكەندەي، «BaqyttyBala» جوباسى ءوزىن تانىتقىسى كەلگەن دارىندى بالالارعا مۇمكىندىك بەرۋگە ارنالعان. قازاقستان، رەسەي، ۋكراينا، وزبەكستان جانە گرەتسيانى قوسا العاندا، ءارتۇرلى ەلدەن كەلگەن 20 بالا ونىڭ قاتىسۋشىلارىنا اينالدى – وسى ەلدەردەن كەلگەن ۇمىتكەرلەر 420 ءوتىنىشتىڭ اراسىنان قاشىقتىقتان ىرىكتەۋدەن ءوتتى.
«ءبىز جىل سايىن «Baqytty Bala» فەستيۆالىن وتكىزۋدى جوسپارلاپ وتىرمىز جانە اتالعان جوبانى اقتوبە وبلىسىنىڭ كوپشىلىك مويىنداعان برەندىنە اينالدىرۋ – نەگىزگى ماقساتىمىز. «Baqytty Bala» كونكۋرسىن 2020 جىلى استانادا، ال 2021 جىلى الماتىدا وتكىزۋ جوسپارىمىزدا بار»، - دەپ جوبانىڭ ميسسياسىن ايقىندادى اقتوبە قالاسى اكىمىنىڭ ورىنباسارى كۇلپارشىن ايدارحانوۆا.
«ديماشالي» شىعارماشىلىق ورتالىعىنىڭ باسشىسى قانات ايتباەۆ وسى كونكۋرسقا قاتىساتىن بالالاردىڭ تاعى دا الەمدىك ساحنانىڭ جۇلدىزدارىنا اينالۋعا ۇلكەن مۇمكىندىكتەرى بار دەپ اتاپ كورسەتتى. «قازىردىڭ وزىندە ءبىزدىڭ كونكۋرسانتتارمەن بولۋى مۇمكىن ىنتىماقتاستىق تۋرالى پروديۋسەرلىك ورتالىقتاردان ۇسىنىستار ءتۇسىپ جاتىر»، - دەپ ءبولىستى سپيكەر.
بىرنەشە جەڭىمپاز ارنايى شاقىرىلعان ەسترادا مەن سپورت جۇلدىزدارىنىڭ قاتىسۋىمەن 2 ماۋسىمدا وتەتىن سالتاناتتى ماراپاتتاۋ ءراسىمى بارىسىندا جاريالاناتىن بولادى. فينالعا قاتىسۋشىلار باس جۇلدەگە تاعايىندالعان 2 000 000 تەڭگە ءۇشىن سايىسقا تۇسەتىن بولادى. نەگىزگى جەڭىمپازدان باسقا، ءبىرىنشى ورىننىڭ يەگەرىن 1 500 000 تەڭگە مولشەرىندە، ەكىنشى مەن ءۇشىنشى ورىنداردىڭ ەكى يەگەرىن – سايكەسىنشە 750 000 تەڭگە جانە 500 000 تەڭگە مولشەرىندە اقشالاي جۇلدە كۇتىپ تۇر. سونداي-اق فەستيۆالعا قاتىسۋشىلاردىڭ بىرەۋى بۇكىل الەمگە ايگىلى ءانشى، «سلاۆيان بازارى 2015»، «Singer - 2017» حالىقارالىق كونكۋرستارىنىڭ جەڭىمپازى، «MTV MusicAwards» سىيلىقاقىسىنىڭ يەگەرى ديماش قۇدايبەرگەننىڭ اتاۋلى جۇلدەسىمەن ماراپاتتالادى.
ءانشىنىڭ اناسى سۆەتلانا ايتباەۆا قازاقستانعا كونكۋرستىڭ فينالىنا كەلۋ ماقساتىمەن فينليانديا، جاڭا زەلانديا، اقش، گەرمانيا، مالايزيا، جاپونيا، پولشا، فرانتسيا، رەسەي، يندونەزيا، ۋكراينا جانە قىتايدى قوسا العاندا، الەمنىڭ ءارتۇرلى ەلدەرىنەن ديماشتىڭ جانكۇيەرلەرى كەلەتىنىن اڭگىمە بارىسىندا ايتتى.ديماشتان باسقا، ءىس-شاراعا ۋكراينانىڭ «گولوس. دiتي» 2017 ۆوكالدىق كونكۋرسىنىڭ جەڭىمپازىدانەليا تولەشوۆا، «ۆيتەبسكىدەگىسلاۆيان بازارى-2015» حالىقارالىق فەستيۆالىنىڭ باس جۇلدەگەرىلۋيزا نۇرقۋاتوۆا، «سلاۆيان بازارى-2017» كونكۋرسىنىڭ جەڭىمپازىۆلاد سىتنيك، ارميان ءانشىسى دجوردان اراكەليان، ۋكراينالىقاۋە گيمناستىاناستاسيا ديدۋح قاتىسادى.
كونكۋرستىڭ فينالى اقتوبە ونەر ورتالىعىنىڭ «ونەر ورتالىعى» كونتسەرتتىك زالىندا وتەدى. «اقتوبە قالاسى مادەنيەت جانە تىلدەردى دامىتۋ ءبولىمى» مم باسشىسى التىناي يۋنيسوۆا اتاپ وتكەندەي،ورتالىقتىڭ كونتسەرتتىك زالى 1200 ادامعا ارنالعان، بۇل رەتتە سولاردىڭ ىشىندە 600-گە جۋىعىن ۇيىمداستىرۋشىلار بالالار ءۇيى مەن حالىقتىڭ وسال توپتارىنىڭ بالالارىنا بەردى.
«بالالاردىڭ بارلىق كونكۋرس بويى وقيعاعا تولى باعدارلاماسى بولدى. ءبىز قاتىسۋشىلاردى تاماشا ۇلگىلى تالاپتارى بار دەمالىس ايماعىنا ورنالاستىردىق. ولار ءبىرىنشى كەلگەن كۇنى «دوستىق كەشىنە» قاتىستى، وندا ءبارى ءبىر-بىرىمەن تانىسىپ، بىرگە كەشكى اس ءىشتى جانە ۇيىمداستىرۋشىلاردان برەندتەلگەن كادەسىيلار الدى. الدا قالا بويىنشا ويىن-ساۋىق ەكسكۋرسياسى، ودان سوڭ ۆوكال بويىنشا ديماش قۇدايبەرگەننىڭ ۇستازى مارات ءايتىموۆتىڭ شەبەرلىك كلاستارى، سونداي-اق وزبەكستاننىڭ حالىق ءارتىسى – نوديرا پەرماتوۆانىڭ ۆوكال بويىنشا ساباقتارى وتكىزىلەتىن بولادى. بالالاردىڭ ءجۇزى باقىتقا تولى، ويتكەنى ولار ءۇشىن اقتوبە قالاسىنا كەلۋگە بارلىق قولايلى جاعدايلار جاسالعان. اقتوبە قالاسى ولاردىڭ جادىندا وسى باقىتتىڭ ىزگى ىقىلاستى، قوناقجاي بۇرىشى رەتىندە ۇزاق ساقتالاتىنىنا سەنىمىم مول»، - دەپ ايتتى كونكۋرستىڭ رەجيسسەر-ستسەناريسى اننا وبويانسكايا.
__________________________________________________________________________________________________________________
"ادىرنا" ۇلتتىق پورتالى
