دومبىرا ساباعى

1449

تالدىقورعان قالاسىنداعى نازارباەۆ زياتكەرلىك مەكتەبىندە وقۋشىلارعا قازاقتىڭ ۇلتتىق اسپابى دومبىرا مەن كۇيلەردىڭ شىعۋ تاريحىن تانىستىرۋ، وقۋشى بويىنا مۋزىكالىق تاربيە قالىپتاستىرۋ، ۇلتتىق ونەردى سۇيە بىلۋگە تاربيەلەۋ ماقساتىندا «دومبىرا-داستان» ساباعى ۇيىمداستىرىلدى.

اتالمىش ءىس-شارا «100 كۇي» جوباسى اياسىندا ەلىمىزدەگى 20 نازارباەۆ زياتكەرلىك مەكتەپتەرىندە ءوتتى.

ساباق دومبىرا ۇيىرمەسىنىڭ مۇعالىمى مۇقاعالي سانسىزباەۆتىڭ «بوگەلەك» كۇيىن ورىنداۋىمەن باستالدى. ول وقۋشىلارعا كۇيدىڭ شىعۋ تاريحى تۋرالى ايتىپ بەردى. ءوز كەزەگىندە نزم دومبىرا وركەسترىنىڭ جەتەكشىسى سامات جەكسەمباەۆ اقساق قۇلان تۋرالى اڭىزىمەن ءبولىستى. ودان ءارى 11-سىنىپ وقۋشىسى ايبول جەڭىسنۇردىڭ ورىنداۋىندا «اقساق قۇلان» كۇيى ۇسىنىلدى. 7-سىنىپ وقۋشىسى كاريما ماقاننىڭ ساناۋلى مينۋتتاردا تولعاۋىن، اقساق قۇلان تۋرالى اڭىزىنىڭ تەرەڭدىگىن جەتكىزە بىلگەن سۋرەتى ساباقتىڭ قىزىقتى ساتىنە اينالدى.

دومبىرا تۋرالى سۇراق-جاۋاپ ۆيكتورينا فورماتىندا وقۋشىلار قازاق مۋزىكاسى تۋرالى، ۇلتتىق اسپاپ – دومبىرانىڭ جاسالۋى مەن قۇرىلىمى تۋرالى بىلىمدەرىن ورتاعا سالدى.

 دومبىرا ساعاتىندا بۇل مۋزىكالىق اسپاپ ەجەلدەن قازاق حالقىنىڭ باي رۋحاني تاريحى مەن سالت-ءداستۇرىنىڭ سيمۆولى بولعانىن جانە بولىپ قالا بەرەتىنىن تاعى دا ەسكە سالدى. شارانىڭ ارقاسىندا مەندە دومبىرا تارتۋدى ۇيرەنۋگە دەگەن ىنتا پايدا بولدى، - دەپ ءوز اسەرىمەن 7-سىنىپ وقۋشىسى انەل ارداقوۆا ءبولىستى.

جىل سايىن بارلىق نازارباەۆ زياتكەرلىك مەكتەپتەرىندە مەكتەپتىڭ داستۇرىنە اينالعان «ۇلى دالا مۇراگەرلەرى» دومبىرا فلەشموبتارى وتەدى، وندا جۇزدەگەن دارىندى زياتكەر دومبىراشىلار قازاقتىڭ ايگىلى كۇيلەرىن ورىندايدى.

يۋنەسكو-نىڭ ماتەريالدىق ەمەس مۇرالار تىزىمىنە ەنگەن قازاقتىڭ ءتول اسپابى دومبىرا مەن كۇيلەرگە ارنالعان دومبىرا ساباعى NIS-تە وقۋ جىلىن اياقتادى.

 

 

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket