قارجىلىق مونيتورينگ اگەنتتىگىنىڭ قوستاناي وبلىسى بويىنشا اۋماقتىق دەپارتامەنتىنىڭ قىزمەتكەرلەرى قوستاناي قالاسىنداعى ءدامحانالاردىڭ ءبىرىنىڭ عيماراتىنداعى استىرتىن پوكەر كلۋبىنىڭ قىزمەتىن اشكەرەلەدى، دەپ حابارلايدى "ادىرنا" ۇلتتىق پورتالى "Zakon.kz"-كە سىلتەمە جاساپ.
"زاڭسىز ويىن مەكەمەسىن تەكسەرۋ كەزىندە تابىلعان زاتتاي ايعاقتار، اتاپ ايتقاندا "پوكە"» ويىنىنا ارنالعان كاسىبي ۇستەل، فيشكالار، كارتالار جانە قولما-قول اقشا سوت ۇكىمى نەگىزىندە جويىلدى، — دەدى قارجىلىق مونيتورينگ اگەنتتىگىنىڭ ءباسپاسوز قىزمەتى.
سوت ۇكىمىمەن استىرتىن پوكەر كلۋبىنىڭ ۇيىمداستىرۋشىلارى مەن سىبايلاستارى قر قىلمىستىق كودەكسىنىڭ 307-بابىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، ولارعا 2 جىل 3 اي مەرزىمگە باس بوستاندىعىنان ايىرۋ جازاسى تاعايىندالدى.
"ادىرنا" ۇلتتىق پورتالى
