رەسەي پرەزيدەنتى ۆلاديمير پۋتين مەن قورعانىس ءمينيسترى سەرگەي شويگۋ ماسكەۋدەگى اسكەري گوسپيتالدى ارالاپ، ۇرىس كەزىندە جارالانعان رەسەيلىك ساربازداردىڭ جاعدايىن ءبىلدى، دەپ حابارلايدى «ادىرنا» ءتىلشىسى.
«مەملەكەت باسشىسى ارنايى اسكەري وپەراتسيا كەزىندە زارداپ شەككەن رەسەي قارۋلى كۇشتەرىنىڭ اسكەري قىزمەتشىلەرى ەمدەلىپ جاتقان پ.ۆ.ماندريك اتىنداعى ورتالىق اسكەري-كلينيكالىق گوسپيتالدا بولدى»، - دەلىنگەن حابارلامادا.
ايتا كەتەيىك، 16 مامىردا ەلدىڭ قورعانىس مينيسترلىگى ۋكرايناداعى ارنايى وپەراتسياعا قاتىسقان رەسەيلىك ساربازداردىڭ پرەزيدەنت جارلىعىمەن ماراپاتتالعاندارىن مالىمدەگەن ەدى.
«ادىرنا» ۇلتتىق پورتالى
