الماتى وبلىسىندا اسكەردەن كەلگەن ساربازدى اسپانعا وق اتىپ قارسى العاندار ۇستالدى. بۇل تۋرالى وبلىستىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
وقيعا 30 ساۋىردە قاراساي اۋدانىنداعى كوكساي اۋىلىندا بولعان.
«الەۋمەتتىك جەلىلەردە جۇرگىزىلگەن مونيتورينگ بارىسىندا قاراساي اۋدانىنىڭ كوكساي اۋىلىندا وق اتقان بۇزاقىلىق ارەكەت فاكتىسى انىقتالدى. ءتارتىپ ساقشىلارى 21 جانە 23 جاستاعى ەكى جىگىتتى ۇستاپ، اۋداندىق پوليتسيا باسقارماسىنا جەتكىزدى. قارۋلار ءتيىستى ساراپتاماعا جولداندى»،—دەپ ءتۇسىندىردى دەپارتامەنت.
ايتا كەتەيىك، اتىس قارۋىن قولدانعان ەر ادامدارعا بۇزاقىلىق فاكتىسى بويىنشا قىلمىستىق ءىس قوزعالدى. قازىرگى تاڭدا ەكى جاس جىگىت ۋاقىتشا ۇستاۋ يزولياتورىنا قامالدى. تەرگەۋ جۇرگىزىلىپ جاتىر.
<
