Almaty oblysynda äskerden kelgen sarbazdy aspanǧa oq atyp qarsy alǧandar ūstaldy. Būl turaly oblystyq polisiia departamentı aitty, dep habarlaidy «Adyrna» tılşısı.
Oqiǧa 30 säuırde Qarasai audanyndaǧy Köksai auylynda bolǧan.
«Äleumettık jelılerde jürgızılgen monitoring barysynda Qarasai audanynyŋ Köksai auylynda oq atqan būzaqylyq äreket faktısı anyqtaldy. Tärtıp saqşylary 21 jäne 23 jastaǧy ekı jıgıttı ūstap, audandyq polisiia basqarmasyna jetkızdı. Qarular tiıstı saraptamaǧa joldandy»,—dep tüsındırdı departament.
Aita keteiık, atys qaruyn qoldanǧan er adamdarǧa būzaqylyq faktısı boiynşa qylmystyq ıs qozǧaldy. Qazırgı taŋda ekı jas jıgıt uaqytşa ūstau izoliatoryna qamaldy. Tergeu jürgızılıp jatyr.
<
