الماتى وبلىسىندا ءماسليحات حاتشىسىنىڭ جۇرگىزۋشىسى وبلىس اكىمدىگىنە قاراستى كولىككە جالعان ءنومىر تاعىپ جۇرگەن. بۇل اقپاراتتى الماتى وبلىسىنىڭ پوليتسياسى راستادى، دەپ حابارلايدى “ادىرنا” ۇلتتىق پورتالى.
«KIA اۆتوكولىگىندە جالعان متنب قولدانۋ دەرەگى راستالعانىن حابارلايمىز. قىزمەتتىك اۆتوكولىكتىڭ 45 جاستاعى جۇرگىزۋشىسى قر اقبتك 590-بابىنىڭ 3-بولىگى جانە قر اقبتك 590-بابىنىڭ 4-بولىگى بويىنشا اكىمشىلىك جاۋاپقا تارتىلدى. قىزمەتتىك اۆتوكولىك ارنايى تۇراققا قويىلدى»، – دەلىنگەن حابارلامادا.
