رەسەيلىكتەردىڭ اسكەري مىندەتتەن بوساۋ ءۇشىن وتە كوپ پارا بەرىپ جاتقانى انىقتالۋدا. ماسەلەن، سوعىسقا دەيىنگى مەن قازىرگى جاعدايدى سالىستىرعاندا پارانىڭ قۇنى دا 10 ەسەگە ارتقان، دەپ حابارلايدى "ادىرنا" ۇلتتىق پورتالى.
وسى ورايدا ساراتوۆ وبلىسى بالاكوۆسكي اۋداندىق سوتى جەرگىلىكتى اسكەري كوميسسارياتتىڭ اسكەري قىزمەتكە شاقىرۋ جونىندەگى ءبولىمىنىڭ بۇرىنعى باستىعى سامات حانبيكوۆتى قاتاڭ رەجيمدەگى كولونيادا 7 جىلعا باس بوستاندىعىنان ايىرۋ تۋرالى ۇكىم شىعاردى.
"Lenta.ru" سايتىنىڭ جازۋىنشا، ول پارا العانى ءۇشىن كىنالى دەپ تانىلدى. سوتتالۋشى ءوز كىناسىن مويىندادى. تەرگەۋ انىقتاعانداي، حانبيكوۆ اسكەري قىزمەتتەن زاڭسىز بوساتىلعانى ءۇشىن مەرزىمدى اسكەري قىزمەتشىدەن 2,7 ميلليون رۋبل العان. اقشانى اۋدارۋ قاۋىپسىزدىك كۇشتەرىنىڭ باقىلاۋىمەن جۇزەگە اسقان.
"ادىرنا" ۇلتتىق پورتالى.
