قىتاي ءومىر بويىنا باس بوستاندىعىنان ايىرىلعان اقجارقىن تۇرلىبايدى قازاقستانعا ەكستراديتسيالاۋدان باس تارتتى، دەپ حابارلايدى «ادىرنا» ءتىلشىسى.
«2020 جىلدىڭ 19 قازانىندا باس پروكۋراتۋراعا اقجارقىن تۇرلىبايدان ءوزىن قازاقستانعا اۋىستىرۋ تۋرالى حات كەلدى. سول كۇنى قىتاي تاراپىنا ءتيىستى سۇرانىس جىبەرىلدى. قحر ادىلەت مينيسترلىگىنىڭ 2021 جىلعى 3 ناۋرىزداعى جاۋابىنا سايكەس اقجارقىن تۇرلىبايدى قازاقستانعا ەكستراديتسيالاۋدان
باس تارتىلدى، سەبەبى ول شارتتى تۇردە مەرزىمىنەن بۇرىن بوساتۋ قۇقىعىنسىز ءومىر بويىنا سوتتالدى",-دەپ حابارلادى قر باس پروكۋراتۋراسىنىڭ ءباسپاسوز قىزمەتى.
الايدا، قازاقستان تاراپى ءالى دە بولسا وتانداسىمىزدى ەل تۇرمەسىنە اۋىستىرۋدان ءۇمىتتى.
"ەگەر قىتاي سوتى سوتتالۋشىنىڭ جازاسىن قىسقارتىپ، ونى وتەۋدىڭ ناقتى سانىن تاعايىنداسا، بۇل مۇمكىن بولادى", - دەپ تولىقتىردى ۆەدومستۆو.
«ادىرنا» ۇلتتىق پورتالى
